طبعاً لسه فيه فضيله حتي و ان كثرت الرذائل
حاولت اختزل القصه قدر ما استطيع و لكن مهم نشرها ليعلم الناس ان الخير ما زال موجود
مدام ليلي من تونس عندها ٤٤ سنه و عندها اعوجاج عمود فقوي كبير كانت محتاج عمليه من اكثر من ٣٠ سنه ولم تجري جراحة و وصلت لمرحلة صعبه https://t.co/QsFQsnTy6o
لحد هنا طبيعي مفيش قصه.. لما شوفتها و طلبتلها اشعه قولتلها الحقيقه الحاله خطيره و لكن ينفع عمليه كبيره مع الخطورة الكبيره
و لا كأنها سمعت الخطوره و انفطرت في البكاء اللي هو دموع نازله بدون صوت و تقولي يعني ينفع عمليه … المهم مشيت و رجعت تاني علشان والدها و والدتها يسألوني
عن خطورة العمليه و طبعا قولتلهم في منتهي الخطوره
المهم توكلنا علي الله و حجزنا موعد بعيد شويه علشان اهلها يحضروا من تونس لمساعدتها يوم العمليه و بعدها…..
العمليه كان موعدها امس الاربعاء و الاقي مدام ليلي بتكلمني مساء الثلاثاء و بتقولي انا عندي طلب … قولتلها اتفضلي …
قالتلي والدي و والدتي معرفوش ياخدوا الفيزا في اخر لحظه و مش هيقدروا يكونوا موجودين بكره معايه و عايزه بعد العمليه تطمئنهم… عيني والله لكن مين هيكون معاكي …. مفيش حد … نعم … ازاي مفيش حد … مش هينفع .. قالتلي ان شاء الله ربنا ييسر و ممكن حد يساعدني في الخروج من المستشفي.
طبعاً قولت بلاش اكتر همومها و امضيها علي الخطوره القصوي و هي لوحدها… العمليه خطيره جداً و جالي افكار و انا شغال، يا رب استر، طيب يا ربي لو حصلها حاجه اوديها فين و هي بطولها في بلد غير بلدها، يا رب استر .. المهم ربنا يسر عمليتها فوق العادي و العمليه عدت زي الفل.
