(في البدء)

احب اقولكم

(سا الخير ) يا ولاد ؛

.

.

وبحول الله ؛ النهاردة وعلى غير العادة مش حكتب مقدمات كتير وحندخل في صلب الموضوع مباشرة وده لاسباب كتير حتظهر تباعا في قلب الثريد ده الي انا خصصته للحديث عن قصة الجروبات الثورية وما صاحبها من كثير لغط.

الاسكرينة المرفقة دي

يتبع https://t.co/fGtHYFtFOB

عبارة عن طلب من حركة اسمها واضح في الصورة ليا اني انضم ليهم،

الطلب ده جالي عن طريق تطبيق صراحة الي بيكفل السرية للمرسل ودي نقطة حلوة مفيش كلام وتوضح ارتفاع الحس الامني عند الشباب،

وطبعا انا و كما حتعرفوا دلوقتي مردتش اصلا عليهم؛

ليه بقه؟

سؤال حلو مفيش كلام ولازم يتجاوب عليه

الاجابة باختصار تنقسم لشقين ،

الاول انتوا لوحدكم حتستنتجوه من السردية القادمة ، والتاني لان الولاد دول بمنتهى الحيادية والتجرد المفروض يتحاكموا بتهمة الهطل السياسي(مقتبس عن السادات بتصرف).

ازاي يا جدع ده انت لسه بتقول عندهم حس امني عالي وبتشكر فيهم؟

لا ما دي حضرتك كانت سخرية

طب وايه لازمتها؟

اقولك يا سيدي لازمتها ايه،

وحد الله وامشي معايا واحدة واحدة كده وانا مش حجري بيك ما تقلقش؛

الشباب هنا عملوا تصرف اقل ما يوصف به انه(حماقة) ، واقصد بده انهم بعتوا لشخص مجهول العين والحال طلب الانضمام لتنظيم يمارس العمل السري في دولة بتمارس القمع بشهادة العديد

المنظمات الدولية،

عمل سري وقمع وكلام كبير وشكلك حتخوتنا معاك.

لا يا عمنا مش حجعلص الكلام ، حخلية حديث شعبي كده وسالك عشان متتعبش معيا،

الولاد دول عملوا ما يسمى باختصار كده تنظيم ، واي تنظيم او حركة في الدنيا بيكون ليها عده مكونات لا غنى عنها ، اولا هدف ،

ثانيا هيكل تنظيمي؛