#حببنكهةسودانية

#الثنائي"نور &جهاد"

قصة الليلة جميلة شديد وياريت تكون دافع لأي إتنين بحبو بعض وعندهم الرغبة في إنو يتوجو حبهم رغم العقبات .. ح أحكيها بطريقة مختلفة ركزو شديد ع الهدف من القصة ?

"كم يجعلك الحب شجاعاً"

الجملة دي قالا فرويد مرة وأنا قريتا ألف مرة https://t.co/JxNYRJcUjN

بس شفتها ف القصة دي فعلياً.

قالت:-

أنا سنقل مام طالعة من علاقة يداب وما كنت خاتة في بالي خالص فكرة الإرتباط للمرة التانية .. بس الزواج مطلب من مطلبات الحياة حتحس بيهو بدون تخطيط مسبق ودا الحصل بالصدفة يوم عيد الأم صحبتي تاقتني في بوست فيهو "تحية خاصة للسنقل مام اللي بعافرو

وبربو أولادهم براهم " كان كاتبو واحد إسمو جهاد ما بيني وبينو أي سابق معرفة .. بقينا ناخد وندي في الكومينتس بي طبعي زولة مرحة وما بحب المواضيع تكون رسمية قلت ليهم بكل عفوية "السيد جهاد يطبطب على الخالات ?" ما كان قصدي شي والله غير المزاح ونسبة لإنو ما ف زول فكر فينا

عيد الأم كان للأم الكلنا بنعرفا بس هو الوحيد الكتب حاجة طبطبت علينا حرفيا فبقينا نتونس بعد شوية لقيتو مرسل لي ريكويست ..

سألت عنو صحبتي وقتها قالت لي "جهاد دا زول كويس شديد وبشبهك والله " الجملة دي أدتني إشارة إني أقبل الأدد لأول مرة يتقال لي إنو في زول بشبهني

فدا كان دافع أشوف الزول البشبهني دا .. المهم قبلت الطلب ودخل علي خاص إتونس معاي ومن خلال ملاحظتي أنو صفحتو كانت مقفلة قلت ليو حذفت لي منو عشان تدخلني وقتها بكل جدية قال لي ما بس نفر واحد حذفت ليك مية نفر ? بقينا نتونس لفترة كدا وإتعرفنا ببعض وطلع شغال جنبي ..