ثريد|

(١) صباح الخير،

خليني أتكلم معاك عن هوية عبقرية من نوع خاص، وفي الغالب ما بنشوفش النوع ده كتير في الهويات البصرية العربية مع الأسف. https://t.co/pF3ZDxNV0x

(٢) النوع ده من الهويات اسمه الهوية المتحركة (Dynamic Identity) بمعنى إنك بتستخدم أجزاء من الشعار الأصلي سواء كانت ألوان، رموز، Brand Signature، أو حتى Key visuals وتبدأ تعملها implementation على باقي الهويات المشتقة من الشركة الأم.

(٣) في المثال هنا كانت وزارة الثقافة السعودية مثال كويس جدًا وواضح جدًا في نفس الوقت على الهويات الديناميكية اللي قولت عليها، إزاي قادر يستخدم أجزاء من اللوجو بتاع الوزارة الأم ويشتق منها شعارات تانية مختلفة ومعبرة لكن في نفس الوقت محتفظة بروح اللوجو للهوية الأم؟

(٤) معظم الوقت هما بيستخدمو الألوان بتاعة اللوجو الأساسي، ويبدأ يطبقها على الرموز المختلفة، لكن ده الطبيعي والحل الأسهل. لكن بص معايا على لوجو (هيئة الأفلام، هيئة المكتبات، هيئة الموسيقى، هيئة فنون الطهي)

(٥) وإزاي المصمم قدر يستخدم المستطيلات اللي في اللوجو الأصلي ببساطة جدًا في إنه يطلع منه أشكال تانية.

عاوز مصادر أحسن، وكلام أكتر عن الموضوع بتاع الهويات الديناميكية؟

يبقا لازم تقرأ الكتاب ده: Dynamic Identities: How to Create a Living Brand

هيعجبك جدًا، وموجود على الإنترنت https://t.co/f4THjcI3rA