- السؤال البديهي هو: يعني فايروس الكورونا ما بينتقل بالنهار؟ حظر التجوال بالمساء بس ليه وفايدتو شنو؟

والإجابة بديهية أيضاً: نحن حالياً ما بنصارع في عدو، نحن بنصارع في إحتمالات وإمكانيات.

يعني لما ترجِّع المواطنين بيوتهم قبل ٦ ساعات من العادي بتاعهم، بتكون الغيت ربع مخاطر انتشار

الكورونا خلال اليوم، كمرحلة اولى. It's a Math

قرار حظر التجوال الجزئي إتطبق في دول عديدة، منها دول متمكنة مادياً وعدد الإصابات فيها أعلى من السودان زي السعودية

الفائدة منو شنو طيب بجانب تقليل فترةالإختلاط بين المواطنين

في فوائد متعددة مع إني ما متأكد إذا كنّا حنستفيد منها كلها:

1- بتمنح الدولة أوقات خمول في الشارع، بتستغلها في التعقيم زي الحاصل في السعودية والإمارات.

2- بتهيئ الكوادر الأمنية وترتب صفوفها وتجربتها للحظر الكامل، وبتدي الدولة فرصة توفّر فيها بدائل معيشية إذا الحظر الكامل اصبح واقع.

3- الخطوة عندها بعد إعلامي في الدول الحاصل فيها إستهتار

أو قلة وعي بالخطر. يعني بعد كدا ما إلا تدخل فيسبوك او تحضر تلفزيون عشان تدرك الخطر وتسمع بالكورونا، أطلع بعد ٨ بس وحتعرف من أول ارتكاز يلاقيك.

4- اعتقد اكتر مدينة حتطبق حظر التجوال وتلتزم بيهو هي بورتسودان، لأن حظر التجوال إتطبق فيها قريب، فالفائدة الرابعة هي تجهيز وتدريب

المواطنين وتهيئتهم لحظر التجوال التام.

خطوة موفقة من الدولة. ومناسبة لواقعنا المعيشي، ياريت نساعد كلنا في تطبيقها كما يجِب، عشان ما نحتاج لا قدر الله لقرارات اصعب وتعجيزية للأسر البتوفر رزق اليوم باليوم.

#سودانبدونكورونا