رالف رانجنيك،

عندما نظمت مكتبي!

في البداية، سيب أي حاجة في إيدك دلوقتي، وركز معايا في المقال، مش بس لأنه مهم عن رالف بكل التفاصيل عنه، ولكن لأنه مقال مهم في الكورة بشكل عام،

إعمل لايك وحضر قهوتك وتعالى إقرأ!

ثريد عن قائد الحقبة الجديدة لكرة القدم، رالف رانجنيك.. https://t.co/u8iDLTXW4y

الكورة عبارة عن إتجاهات، مدارس لكل شعب وبيخرج من الشعب ده مدربين كبار ومفكرين إستنادًا للمدرسة اللي الشخص آمن بها وإستند بها في كل أفكاره وتطبيقاته، ده كلام معروف للجميع، تعالى بقى نتكلم عن الإتجاهات دي كأساس، ونبدأ نفرّع من الأساس ده اللي إحنا عايزينه،

الكورة عبارة عن 3 إتجاهات، الثلاثة كانوا أساس كل المدارس التدريبية وكل مدرسة بتحتاج نوع معين من اللاعبين؛ الإتجاه الأول هو 'الإتجاه البسيط'، علميًا إسمه 'Simple Direction'، من إسمه تقدر تستنتج بشكل سريع إنه أول وأقدم إتجه عرفته الكورة، لكن فيه جزء أهم تعالى نخوض فيه، https://t.co/AulgSovPC4

إتجاه البساطة هو إتجاه سير أليكس فيرجسون وبعده كارلو آنشيلوتي ومورينيو وإتجاه إتشرّس بعد كده وتم إقتباسه في الهوية الإيطالية والكاتيناتشو الدفاعي في إيطاليا، وإتجاه زيدان حديثًا، لاحظ هنا إني بقول 'إتجاه' مش 'مدرسة'، لأن الإتجاه زي ما قولت هو الأساس، والمدارس إتفرعت منها مع الوقت https://t.co/anON5ufS79

أغلبهم أو كلهم زي ما لاحظت -بإستثناء السير- دربوا ريال مدريد بمختلف مدارسهم وأساليبهم، ريال مدريد هو أكتر فريق بسيط في العالم، وفي كل حقبة زمنية في تاريخه إختار الإتجاه ده، ونقطة قوة من نقاط قوى بيريز إنه حافظ على الإتجاه ده في ظل هيمنة جوارديولا وده شيء تاني هنروحله بعدين. https://t.co/KCs8B6O3qn