تحليل خاص
هل تغريدة الأمير الوليد ضد أو مع إيلون ماسك؟
كيف ممكن تنتهي صفقة تويتر؟
ثريد دسم بس إن شاء الله يعجبكم:
أولاً من هو إيلون ماسك وش قصته وكيف قدر يحقق نجاحاته اللي يفخر فيها في سوق الأسهم والعملات؟ ووش قصته مع تويتر الأيام هذي اللي حتى لو طلع خسران منها فهو ربحان؟ https://t.co/DwXipNTlhx
إيلون هو رجل أعمال من أصول جنوب أفريقية معه الجنسيتين الكندية والأمريكية وله شراكات كثير مع عدد من الشركات الكبيرة في مجال التقنية مثل تيسلا المختصة في السيارات الكهربائية وشركة سبيس إكس الفضائية وغيرها.. ويعرف بأنه مهووس بالتقنية لدرجة الجنون وانتشرت عنه بعض الأفكار غير المنطقية
معروف عنه الفترة الأخيرة نشاطه في عالم الأسهم والعملات وعلى الرغم من ثروته الكبيرة ألا أنه مازال يسعى لزيادة في رفع رأس ماله ولكن المشكلة ماهي هنا المشكلة في طريقة تعامله مع الأسهم والعملات وتداولاته الغير شريفة حسب ما يصفونه الناس
وراح ناخذ أمثلة على بعض المواضيع اللي صارت آخر السنوات خصوصا على حسابه في منصة تويتر اللي عنده فوق 80 مليون متابع من شتى بقاع العالم وأغلبهم مهتمين بالاستثمار ومتأثرين فيه
ايلون ماسك شخص مشهور وكلمته مؤثرة ماهو من تحليل فني ولا دراسة للسهم أو العملة أنما يعرف يختار أسهم أو عملات راح تثير اهتمام الناس ويدخلون وراه من باب ثقة فيه وأنه شخص ناجح يعني نقلده
