بصراحة مش قادرين نستوعب الناس الي لسه بتداول عبارات زي "صلاح مُرزق" و "ربنا بيحبه" وكلام في الإتجاه دا، للدرجة دي الموضوع صعب التسليم بيه؟

إحنا نقدر نشوف مع بعض كمية "المفاهيم" الي صلاح نفذها في الجول بتاعه ضد تشيلسي من شوية

@MoSalah

https://t.co/6cKKFf5Jox

1- صلاح كان متمركز فوق بارتفاع عالي، لضمان العمق الهجومي للفريق الي بيصعب على الخصم عملية التكتل العمودي، دا غير إنه كان ماسك الخط وممدد الملعب بشكل عرضي ودا بيصعب على الخصم الدفاع بعرض الملعب وإغلاق الممرات الداخلية/أنصاف المساحات بشكل كلي.. https://t.co/g5exXFBD3U

2- في طلبه للكورة، صلاح معملش زي أجنحة كتير بتنزل لتحت أكتر من اللازم عشان تستلم، وقتها هيكون محاصر من لاعبي وسط الخصم مش المدافعين، ودا شيء بيضيع الغرض الي الجناح طلب عشانه الكرة من الأساس؛ التقدم. https://t.co/VDUO8e3Dnt

صلاح هنا منزلش كتير، عشان يقابل المدافع مش لاعبي الوسط وبالتالي يزود من إحتمالية وفاعلية تقدمه "Progressing"

3- واحد من أهم المفاهيم للي لازم يتعلمها أي جناح، هي كيفية تطويع وضعية جسمه بشكل يديله دايماً أفضلية، لأنه بيكون دايماً محاصر من الخط الجانبي للملعب..