بقات ساعات قليلة و غادي يتعلن على قرار بنك المغرب واش ايهبط سعر الفائدة ولا يخليه ف نفس المستوى ديالو...(غدا ان شاء الله)

و ايلا هبط واش غادي يكون ب 0.5 ولا ب 0.25 ف المائة

شنو تأثير هادشي على البورصة؟ و واش يمكن نستافد من هادشي كمواطن عادي ؟

Thread ???

أول حاجة، منين كينقص سعر الفائدة ، كيولي القرض أرخص، و هادشي كيشجع المواطن على الاستهلاك...و الاستهلاك مزيان للشركات حيت هوما اللي كيبيعو داكشي اللي حنا كنستهلكو...و بالتالي يقدرو يربحو أكثر

ربح أكبر، كيجلب مستثمرين اكثر، إذن سعر السهم كيقدر يطلع

بالنسبة للشركة، ايلا رخاص القرض، يمكن تاخدو باش تكبر بيه النشاط ديالها، و حتى هادشي ايربحها أكثر ديال الفلوس

و ربح أكبر كيجلب مستثمرين أكثر، و قيمة السهم كتطلع

الحاجة التانية فاش كيهبط سعر الفائدة، الناس اللي كانو كيسلفو الدولة أو الشركات عن طريق السندات

Les obligations

كتبدا تبان ليهم هاد الطريقة ما كتجيبش ارباح كثيرة

نحط 100 درهم و ترجع ف الاخر د العام ب 102 دراهم ماشي شي بلان زوين

هادشي كيدفع هاد الناس انهم يهزو فلوسهم من

Les obligations

و يمشيو يشريو الاسهم، اللي فيهم أكثر مخاطرة و لكن الربح حتى هو يقدر يكون كبير

طلب مرتفع على الاسهم، كيزيد ف السعر ديالها