#ثريد عن بزنس الكتب الرقمية (PDF)
??
هل عندك مهارة تقدر تنقلها للناس؟
او أي موضوع انت خبير فيه، ترا تقدر تسويه على شكل كتاب رقمي وتبدأ تبيعه على المنصات المخصصة للكتب الرقمية.
بس ليش الكتب الرقمية ليش مايكون كتاب ورقي؟
ببساطة لأن نسبتك في الربح بتكون عالية جدا فوق 60% + الكتاب راح تقدر تبيعه على اي شخص في العالم من بيتك.
ولأنك بتسويه مرة وتقدر تبيعه مليون مرة
فذا المشروع يعتبر مشروع يجيب لك دخل سلبي (راح تشتغل عالمشروع مرة وبعدها بتجيك الأرباح بدون تدخل منك والفلوس بتجيك وحتى وأنت نائم).
في البداية عشان تبدأ راح تحتاج ترتب أفكارك
شنو المواضيع اللي تحس انك خبير فيها؟
شنو التخصص اللي تحبة ومستعد تكتب عنه كتاب كامل؟
ممكن تكون خبير في الطبخ او المشاريع
او الثقافة المالية او التاريخ الخ...
بعد ماتختار التخصص والموضوع تبدأ
تفتح (Microsoft Word)
وأكتب في الموضوع اللي انت خبير فيه
وبعد ماتخلص كتابة الكتاب تحفظ الملف بصيغة (PDF).
