عمركوا وأنتوا بتتفرجوا علي سبونج بوب سألتوا نفسكوا ليه ممكن يبقى بيت سبونج بوب أناناساية كبيرة كده؟ ازاي مستر سلطع مخلف حوت؟ سبونج بوب من أكتر الكارتونز اللي اتعمل عليها نظريات بتثبت إنه مش مجرد كارتون لطيف للأطفال بل فيه رسايل مخفية كتير، خليني اخدكوا لفة في بعض النظريات ديه https://t.co/IJtHcTcvtc

أول نظرية بتتكلم علي إن الشخصيات الرئيسية في الكارتون بتمثل الخطايا السبعة، خلينا نبدأ ب مستر سلطع هو شخصية بخيلة وطماعة ممكن تعمل أي حاجة عشان متصرفش جنيه وفي نفس الوقت تكسب أكبر كم من الفلوس مهما كان إيه المقابل لده https://t.co/1KbidX5AIi

عندك بسيط علي طول نايم ومبيشتغلش ومبيعملش حاجة في حياته ف هو بيمثل الكسل، شمشون بيمثل الشر، مش بيعمل حاجة غير إنه عايز يسرق الوصفة السرية بتاعة سلطع برجر، شفيق بيمثل الغضب والغيظ علي طول مش طايق نفسه ولا طايق حياته ولا اي حد حواليه

ساندي مش بتمشي خطوتين من غير ما تقول إنها من سكان تكساس ف هي بتمثل الفخر والغرور (سكان تكساس كده في الحقيقة في أي مكان بيروحوه بيبدأوا ب إحنا عندنا في تكساس ويكمل كلامه عادي)، سريع حلزون سبونج بوب بيمثل الشراهة، بياكل ويشرب عند سبونج بوب ويوم ما نسي يحطله أكل سابله البيت ومشي

ده يودينا لآخر خطيئة وهي الشهوة اللي بتتمثل في سبونج بوب، سبونج بوب بيحب كل الناس وكل حاجة بدون شروط، دايمًا بيحاول يكسب محبة الناس حتى شفيق اللي مش طايقه، دايما بيحس إنه لازم ينول إعجاب كل اللي حواليه وعايزهم دايما يقولوا إنه اجمد واحد في الدنيا