معلومتين - جيولوجية وتاريخية - عن مصر، والفيوم بالتحديد .. أتمنى يعجبوكم.

من حوالي ٦ مليون سنة اتقفل البحر المتوسط من ناحية جبل طارق، والميه المحبوسة جفت وأصبح تقريبا يابسة بأرضية بيضاء (ملح) فيما يعرف جيولوجيا بأزمة الملوحة الميسينية Messinian salinity crisis

* https://t.co/CEfmrbhZTX

وبعدها بحوالي ٧٠٠ ألف سنة بدأت منطقة جبل طارق تتصدع وفتحت طريق لمياه المحيط الأطلنطي وحصل الفيضان الزانكلي Zanclean flood .. الفيضان من قوته ملا حوض البحر كله في سنة أو اتنين.*

نرجع لمصر.

خلال فترة جفاف المتوسط كان النيل عبارة عن نهر بيجري في قاع أخدود canyon عظيم قاسم أرض مصر لجزئين.

عمق الأخدود في مكان القاهرة الحالية كان أكتر من ٢٠٠٠ م وفي بعض مناطق الدلتا الحالية ٧٠٠٠م.

مصر كانت مجرد جبلين بينهم شق عميق جدا .. زي الصورة دي. https://t.co/ARDTgmLEjv

ولما امتلأ البحر المتوسط كان مستواه أعلى بكتير من مستوى النيل القديم .. فملأت مياهه الأخدود ده وامتدت إلى ما بعد أسوان.

وفضل النيل يقاوم مياه البحر ويرسّب طميه وارتفاعه يعلو تدريجيا لحد ما كوّن الوادي والدلتا.. لتصبح مصر فعلا هبة النيل.

(⬇ رسم لقطاع طولي لرسوب النيل تحت الدلتا)* https://t.co/Kx29Qvg5dt

الجبل الغربي للأخدود كان فيه حفرة كبيرة "منخفض الفيوم" على بعد ٢كم فقط من الأخدود (الدايرة) ويصل عمقها لـ ٤٥م تحت مستوى سطح البحر.

وكان فيه فتحة (السهم) في الجدار الفاصل بين المنخفض والأخدود.

النيل ظل يرتفع في الأخدود لحد ما وصل لإرتفاع الفتحة، فامتلأ المنخفض وأصبح بحيرة.* https://t.co/utXpcOgQlx