-عايزينك تحكيلنا يا ملك قصة "يني" اللي غلط في الحساب في كازينو بديعة ، ايه الحكاية دي ؟؟

=يني ده يا فاروق كان جارسون يوناني في كازينو بديعة وكان الكازينو ده كبير فتلاقي واحد من اليمين يقوله "قهوة يا يني" ، وواحد من الشمال يقوله "كوكاكولا يا يني" في نفس الوقت فكان يني ده بيمشي https://t.co/oOnElOT2Rs

كتير اوي جوا الكازينو وكان فيه من ضمن الزباين أستاذ بتاع حساب ففي يوم يني سأله "انا بمشي في الكازينو كام كيلو يا أستاذ ؟؟" ، الأستاذ حسبهاله وقاله انت بتمشي حوالي 50 كيلو في اليوم جوا الكازينو ، وكان يني ده معدي الستين سنة وخلاص مبقاش قادر يتحمل تعب الشغل ده كله ، المهم كان

زمان فيه ورق اليانصيب تشتري الورقة بقرش صاغ ولو كسبت تاخد 200 جنيه وكانوا الخواجات غاويين اوي يشتروها على أمل ان أي حد فيهم يبقى عنده 200 جنيه ، الـ 200 جنيه كانت ثروة ورقم ضخم وقتها ، المهم يني اشترى ورقة يانصيب من دول وكسب

الـ 200 جنيه ، أول ما كسبهم جري ع الأستاذ بتاع الحساب

وقاله :"انا بكرة هقبض 200 جنيه وانا معدي الستين سنة واخري هعيش 5 سنين كمان ده اذا عشتهم فعايزك تحسبلي اصرف كام في اليوم الواحد عشان الـ 200 جنيه تكفيني

5 سنين لحد ما امـ. ـوت !" .. الأستاذ حسبهاله ، قبض يني

الـ 200 جنيه وساب الشغل علطول وعاش على الحسبة بتاعة الأستاذ .. مرت الأيام

وخلصت الخمس سنين وخلصت الـ 200 جنيه بس يني مماتش ، خلاص داخل على السبعين سنة ومحدش هيرضى يشغله وفي يوم فوجئنا به بعد

5 سنين داخل الكازينو ماسك طبق في ايده بيلف به على كل ترابيزة يشحت فيه فلوس من الزباين ومفيش على لسانه غير كلمة واحدة "يني غلط في الحساب !"