بنَزل تحت ذا التغريَده عن استغلال رمضان باذن الله تستفيدون منه:

حاولي تخلين رمضان هذا يختلف عن رمضان العام، المسلسلات والافلام لا تشفقين عليها وتضيعين وقتك عليها، استغلي هالشهر بالعباده وضاعفيها ✨

بعضكم يمكن تصحى من الظهر وتوقف بالمطبخ وتشتغل وتجهز الفطور، حاولي إنك ما تتذمرين وتتحلطمين، بس احتسبي الأجر

لسانك لا يوقف عن الذكر، استغفري، هللّي، سبّحي، صلي على الرسول، احمدي الله كثير، واذا ما امداك تدعين عند الفطور عادي ادعي وانتِ تشتغلين

صلاة التراويح إذا ما تقدرين تصلينها بالمسجد عادي صليها ببيتكم،افتحي مصحفك واقري منه،لو ثمان ركعات او عشر اللي تقدرين عليه

واستغفري كثير بشغلك

" فقلت استغفروا ربكم إنه كان غفارا،يُرسل السماء عليكم مدرارا، ويُمددكم بأموال وبنين ويجعل لك جنات ويجعل لكم أنهارا"

بعضكم يمكن ما يقدر يتصدق شفتوا المويه اللي تحطونها لأهلكم بالفطور احتسبي فيها الأجر وانويها صدقه، أعظم صدقه سُقيا الماء

شفتوا هالاحتساب بس اللي يكون بالنيّه ؟

يجيك من وراه أجور كثيره وحسنات من دون ما تحسين.

وانتِ تشتغلين بعد شغلي عندك قرآن بصوت قارئ تحبينه او محاضره او ندوه او احاديث شريفه

عمال بقالاتكم اللي حول بيوتكم اقسمي لهم من الفطور اللي تسوينه ولو شي بسيط وحطي معاه علبة مويه أو عصير وتمرات وارسليها لهم