سيناريو رقم (١)
تخيل انك قررت تشوف فيلم بالسينما وشريت تذكرة بـ ٧٠ ريال وقبل لا تدخل الفيلم اكتشفت ان التذكرة ضاعت، السؤال هل بتشتري تذكرة ثانية ولا لا؟
سيناريو رقم (٢)
تخيل انك رحت تشوف فيلم بالسينما وقبل لا تدفع استوعبت انك ضيعت ٧٠ ريال من محفظتك (اكيد بيضيق صدرك?)، السؤال هل بتدفع قيمة التذكرة ٧٠ ريال ولا بترجع البيت؟
علماء النفس اجروا تجربة بنفس المثالين والنتيجة كالتالي:
%46 من الناس اللي ضيعوا تذاكرهم بيشترون تذاكر ثانية، بالمقابل 88% من الناس اللي ضيعوا فلوسهم (نفس قيمة التذكرة) بيدفعون قيمة التذكرة
التذكرة الضايعة والمبلغ الضايع قيمتهم وحدة، فالمفروض نفس الخسارة!
بس ليش النسبة تقريباً الضعف للاشخاص اللي قرروا يدفعون قيمة التذكرة مع انهم مضيعين مبلغ نفس قيمتها وتجاهلوا المبلغ الضايع؟؟
طيب الحين تخيل انك رحت تشتري شاحن جوال بـ ١٢٠ ريال، وقبل لا تدفع شفت اعلان بجوالك نفس الشاحن ينباع بمحل ثاني بـ ٨٠ ريال؟ بتشتري الشاحن من المحل الاول ولا الثاني؟
