في كلمتين كدا لاقيتهم أدامي بيلخصوا لينا كذا حاجة..

1-ليه الإصابات بتزيد كل يوم عن التاني..

2-ليه لازم نلبس الكمامة ونحافظ عليها..

تعالوا نعرف مع بعض ونركز ونبلغ كل إللي نعرفهم..

إختلفت الدراسات و التكهنات عن أسباب العدوى وكيفية تفاديها و تطور المرض ..

لدرجة خلت المتخصصين نفسهم يبطلوا يثقوا فى نتائج الدراسات دى..بس العامل الوحيد المؤكد لحد دلوقتى ومنطقى وعلمى فعلا هو عامل

ال"viral load "ألا وهو كمية الأجسام الفيروسية اللى بيتلقاها الشخص من مصدر العدوى.

يعني إيه الكلام دا..العامل ده هو اللى بيخلى شخصين فى نفس المكان..

مع نفس مصدر العدوى واحد يتصاب والتانى لأ.

أو شخصين يتصابوا لكن واحد بأعراض طفيفة جدا و واحد بأعراض مرضية شديدة جدا (بخلاف العوامل الصحية الفردية) .

حد يقولي عادي بتحصل..أقوله لا ركز بس.. بص ياسيدي

ممكن شخص يدخله عدد من الأجسام الفيروسية لكن أقل من ال"infectious dose"

أللي هى الجرعة الكافية من الفيروسات المسببة للعدوى .

طيب ده معناه إيه ؟

معناه إنك اذا كان مش بإيدك إنك تهرب من مصادر العدوى إللى بتنتشر يوميا بشكل أوسع ، فعلى الأقل بإيدك إنك تحافظ على ال "viral load" اللى بيدخل جسمك إنه يكون أقل من ال "infectious dose"فميحصلش إصابة..

طيب ولو حصلت يبقى كمية الفيروسات اللى دخلت جسمك سهل السيطرة عليها بجهاز المناعة بدون إحداث تفاعلات شديدة منه تؤذى الجسم.

الله ..يعني ده ممكن تحققه ازاى ؟

بتنفيذ كل الإرشادات اللى بتتقال من شهور..

1- التباعد الإجتماعى بقدر الإمكان وتتجنب الزحام و تحافظ على مسافة مترين..