صباح الخير.....
? أخبار الكوكب ?
واللي مش متابع أخبار الكوكب....
واللي مش متابعة أخبار الكوكب...
يلا بسرعة هاتوا كوباية الشاي بالنعناع وتعالوا ناخد لفة ف اخبار الكوكب...
ومطولش عليكوا وقولولي طول....
?أمريكا...
بايدن الله يرحمة ويطول فعمرة راح قمة السبعة الكبار G7 فاليابان واللي ميعرفش مين هما الدول السبعة الصناعية الكبار فالعالم...
أمريكا وانجلترا وكندا واليابان وفرنسا وإيطاليا والمانيا وحضر معاهم كضيوف شرف الهند والبرازيل
وأمريكا جابت زلينسكي بتاع اوكرانيا تحس إنهم رايحين جونينة الحيوانات واخدوا ابن اختهم معاهم من فوق الروس يعني....
ف قمة السبعة بقا فهيروشيما حصل موقف كوميدي جدا الحج بايدن وهو نازل من ع السلم علشان يسلم على رئيس وزاراء اليابان كان هيتزحلق
مش بس كدا دا حتى لما وقف قدام مراة رئيس وزاراء اليابان والست المحترمة مدت إيدها علشان تسلم عليه الراجل فضل واقف دقيقة مش عارف يمد إيده فين...!!
تحس إنه هنج زي الدكتور أيوب فمسرحية الچوكر بتاعة محمد صبحي وبصلها كدا وقالها .... كلكوا حليا ولا إيه!!!
المهم بقا فقمة السبعة الكبار ده إيه...!!!
ان بايدن أعلن عن ان امريكا هتدي اوكرانيا ال F16 ودي اهم مقاتلة جوية أمريكية
طبعا دا مش لله وللوطن ولا حباً ف أوكرانيا ولا علشان جمال سواد عيون زلينسكي حضرتك
هتسألني اومال علشان إيه يا كونت ديمونت كريستو؟؟
