باعتباري بحب الجغرافيا وعليي فحص وبدي شي التهى فيه ولقيت العالم كاتبة (ضفاف الفرات عطشى) وهالكلام غلط وللاسف يعني ماعنا فكرة اصلا وين محل الحسكة وشو اهميتا فقررت اتفلسف عن #انقذوا_الحسكة
يلي لازم يستمر لما بعد رجعة المياه لانو مشكلتها اكبر
مدينة الحسكة هيي قمة هالمثلث الاخضر https://t.co/fVKv8dFXg8
الحسكة واقعة على ضفاف نهر الخابور
سوريا نسبياً فيها انهار جيدة بالمقارنة مع الدول العربية المحيطة بس كلها بتنبع من براتها هالشي بيعني سوريا ماعندا امن مائي ابدا وغالباً تحت رحمة الجوار مائياً (يلي جدا ظالم مثلا حصة سوريا من الفرات اقل من العراق بكتير بس ٤٢٪ غير القطع من تركيا)
وعن جديد صارت تحت رحمة التغير المناخي يلي عم يضرب الجزيرة السورية "عنبر قمح الامبراطورية الرومانية" وسلة غذاء سوريا (انتاج مصر كلها من القمح ٨ مليون طن وانتاج سوريا ٤.٥ مليون قبل الحرب ولبنان والاردن سوا ١٠٠ الف بس ) بشكل هائل دون عن باقي المناطق
تلجة شام ٢٠١٠ قابلها جفاف بالحسكة
الخابور واحد من أهم روافد الفرات واغناها
بيتدفق بالمتوسط ٤٥ م/ثا وحوضه القابل للزراعة ١٦ الف كم (منبع اكتر من ٦٥٪ من انتاج سوريا من القمح و٧٥٪ من القطن ٢٪ من انتاج الكوكب من هالمكان وغير الماشية)
للمقارنة حوض العاصي بس ١٥٠٠ كم وبيتدفق ١١ م/ثا
لهيك الجزيرة السورية نقطة نزاع
للاسف بس بسبب التغير المناخي نهر الخابور تعرض بين عام ٩٩-٢٠١٠ لاكبر جفاف من ٩٠٠ سنة لدرجة انخفض تدفق النهر باحد المواسم ل١ م/ثا يعني اقل من نهر بردى بدمشق
و قلة اجراءات وحفر ابار جائر خلص كل مياهو الجوفية هاد يلي خلا اعتماد سوريا على منبع الخابور الاساسي (تركيا) مو عالروافد
