نصايح للي مقبلين على نادي/دايت/يبون يغيرون جسمهم مع بداية السنة:

١) لا تبني توقعات أو طموحات خيالية جدا مستحيل تحققها

"بأنحف ٧ كيلو هالشهر"

الوزن الزايد بالعادة الواحد سنين يجمعه، فلا تتوقع بشهر انه كله او اغلبه بيطيح

خلك واقعي بتوقعاتك واهدافك عشان ما يصيبك الاحباط لو ما وصلت للارقام الخيالية الي حاطها ببالك

٢) لا تتبع أي أنظمة غذائية قاسية جدا وغير معقولة

"أنا دايتي قراطيس بسكوت و قشور طماط"

ممكن صدق تستمر عليه شهر بس بعدها بتخور وبتكب العفش وبتخرب كلش

الدايت الصحيح ان اكلك يكون نظيف و بكميات معقولة، اهم شي الكالوريز حاول تعدها

طبعا يختلف شوي لو دايتك لبناء العضل بس نفس المبادئ

٣)نتايج النادي تجي ٧٠٪ من الاكل و٣٠٪ من التمارين، فيه مقولة حلوة هي

You can't outrun the fork

ضبط أكلك بتشوف نتايج

٤) لا عمرك أبدا تشرب كالوريز. أكبر دمار المشروبات الثقيلة لانها ما تسد ولا تشبع و اغلبها فيها من ٣٠٠ كالوري وطالع كل وجبة أصرف.

العصاير نفس الشي كلها كالوريز. كل فواكة لا تشرب عصاير حتى لو ١٠٠٪ طبيعية و فرش

قهوة ولا شاهي سادة او مع شوية حليب قليل الدسم او سكر خفيف