أول #شغل #اشتغلتو
طلبه مع معلم خرسانه وكنت مبسوط بي ال ٢٠ جنيه وما كانت بتقعد اصلا بس
وبقينا ندق الخفجه
تاني اشتغلت في صاله مناسبات بنوزع الاكل كانت ايام تافهه صراحه وتتزل من البسوي والما بسوي عشان شغلك في النهايه
المهم اتحكييييييت كده
بعدها يلا اتطورت في الشغل واشتغلت في
كاشير وكنت جاكي مع نفسي
المهم بعداك جيت اشتغلت كمساري وقتها م كان في حل اصلا غيرا لانو الدنيا كانت خرم ابره
المهم بتشتغل كمساري صباحات بدري لي ١٢ وبتغسل الحافله بالليل
اشتغلت بعداك في مطعم دودي فوطه للناس الما بتعرفها
وغسيل العربات كان كلامو سمح يلا انا لي هسي بتكيف ليهم مع انهم
بقو اغني والغسيل اغلا
بس انا شخصيا كنت بغسل بي ٢٠ جنيه
واسي لو ضاقت بي برجع عادي وما يفوتكم خبيييير??
لم كنت بلمع اللساتك بي رغوه الصابون
والقصه بتطوووووووووووووول والله
لكن اقول لكم شي أصعب شي انك لم تشتغل وتكون م استفدت شي غير الحك والبل والملامح البقت مرهقه
بس في تعقيب
انو انا م مقتنع بي اي زول ممكن يساعدك وانا جربت كتير قدامك اااااي زول بقول ليك انا بساعدك وبقيف معاك كذاب
غير نفسك ماف شي
خلي اي شي واكسب نفسك بس وانت بتكسب في نفسك ما تخسر أخلاقك
انا ما حصل يوم خجلت في شغل اشتغلتو ومبسوط جدا انو اتلتلت في الحياه دي وما قمت من نومي ولقيت كومي
ا
اااااااي صح لسه ما عملت كوم بس شنو مبسوط والله وجدا كمان
متاكد ح يجي اليوم البتذكر كل شي حاصل واضحك واحمد ربنا علي خير ونعمه كبيره
المهَم الوصيه الأولي والعظمي شغلك ما عيب ايا كان شنو
