بما اني رسميا خلاص هاسيب الخرابة اللي اسمها اوروبا وراجع الصين تاني الاسبوع الجاي، ف انا فالثريد دا هاحكي تجربة في العيشة والشغل لمدة سنة ونص في اوروبا وبالتحديد في ايرلندا، هاحكي الحلو والوحش ولسه بالنسبالي الشغل في اسيا "مناسب" ليا اكتر https://t.co/u5z79IS6Pf

خلينا نبدأ بمعلومة مهمة لازم اوضحها، وهي ان ايرلندا او معظم دول اوروبا بشكل عام لو جيت عليهم دايركتلي من مصر ف انت هاتحس انك روحت على upgrade كبير بالمقارنة بمصر وساعتها مش هاتمر بالتجربة اللي مريت بيها، احنا وصلنا لمرحلة ان الناس بتحمد ربنا انها بتشتغل في الكويت ف دا طبيعي يعني

طب ايه عامة مميزات العيشة في ايرلندا؟

1. الاجازات الكتير فشخ، ايرلندا من اكتر الدول اللي بتدي اجازات، كل شهرين في يوم جمعة بيكون اجازة Bank Holiday، ليك من ٥ ايام لغاية ٣٠ يوم sick leave على حسب الشركة، ليك من ٢١ لغاية ٣٠ يوم paid annual leave على حسب الشركة بردوا

وفي ٣٠ يوم مدفوع ٧٥٪ من بوميتهم sick leave

وفي بعض الشركات كمان بتديك فوق كل دا شهر تشتغله من بلدك

٢. الشعب الايرلندي من ألطف الشعوب اللي اتعاملت معاها وعيشت معاها في حياتي، الناس قمة في اللطف والبشاشة وبيساعدوك في اي حاجة، وبيحبوا جدا الsmall talks وبجد مفيش الطف او احسن من كدا