كتير مننا ميعرفش قصة المائدة ...

مائدة " عيسى عليه السلام " اللي اتسمت بيها سورة كاملة في القرآن الكريم وهي سورة المائدة

تعالوا نعيش اللحظات دي مع بعض .... ونتخيلها صوت وصورة

ونتخيل مشاعر سيدنا عيسى وقتها زي ما ربنا سبحانه صورلنا في القرآن الكريم

تبدأ القصة بآية ....

( فَلَمَّا أَحَسَّ عِيسَىٰ مِنْهُمُ الْكُفْرَ قَالَ مَنْ أَنصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ ) ??

شوف دقة المولى سبحانه في الوصف ...

أحس عيسى منهم الكفر ... ?

دليل كبير جدا على فراسة الأنبياء وخصوصا سيدنا عيسى ....

حس ان فيه أمر مبيت ... حس ان فيه غدر هيحصل منهم

حس منهم الكفر رغم كل الاثباتات اللي قدمها وبتثبت صدق دعوته وانه نبي

اليهود كانوا منتظرين مجئ سيدنا عيسى يجدد مجدهم ... ويكون ليهم الملك في الأرض ويكونوا أسياد الأرض ...

وبشرهم بمجيئه سيدنا موسى

سيدنا عيسى أمرهم بالتوحيد والايمان .... لكن هم مش عاجبهم ... متوقعين النبي اللي يجيلهم يكون ملك قوي يبطش في الأرض ويلتفوا حواليه

فيه كذا سبب يخليهم يآمنوا برسالة سيدنا عيسى

1️⃣ أولهم انه منهم من بني اسرائيل ، وأمه " السيدة مريم " - سيدة نساء أهل الجنة - منهم من بني اسرائيل

2️⃣ تاني سبب ان ولادته في حد ذاتها كانت معجزة حضروها وشهدوا عليها

3️⃣ تالت سبب أتاهم بالمعجزات اللي تثبت نبوته وصدقه ... زي ابراء الأكمه والأبرص واحياء الموتى