ثريد بخطة مفصلة تخليك تعمل ترميم لمستوي معلوماتك في الطب لاسيما لو انت في كلية طب في مصر.. الplan دي هي مشروع انشاء طبيب عنده ال bare minimum من العلم للممارسة الطب وغرضها انها تجدد معلوماتك المنسية وتملي اي gaps عندك في الknowledge بتاعتك في كل البرانشات سواء تفسيرات او تشخيصات https://t.co/bJiSdFacRd
تنويه هام
1.السورسات كلها انجليزي علمي بسيط حتي الفيديوز وده بيس مع اغلبنا كطلبة طب لكن لو مش قادر تسمع وتفهم انجليزي الشرح يبقي تسيب الثريد وتروح ترفع مستوي اللغة اول
2.الخطة دي متوسط سنة بس عشان تتنفذ لازم تبقي هي اولويتك يعني مش اقل من 50% من جهدك ووقتك يتخصصلها عن الكلية
3. فيه جزء لابد منه من البيزك ساينس عشان تعرف تفهم اي حاجة بعدين بس المفاهيم دي بتبقي بطريقة clinically-oriented مش academic .. يعني مفيش معلومة هتقراها الا لانها بتفسر باثوفسيولوجي امراض باطنية بعينها لكن معلومة ملهاش استخدام تطبيقي عملي لا .مع العلم ان الباثوفسيو بتاعنا وحش جدا
4. لو معاند وشايف نقطة 3 مضايقاك وملهاش لازمة يبقي الخطة متنفعكش
- الخطة مش سهلة بس مش صعبة اوفر ولا مستحيلة .. احنا بنحاول نلم ما لا يسع الطبيب جهله والمعلوم من الطب في الضرورة بدل 7 سنين يبقي في سنة بس برده بشكل منطقي يحترم امكانية الانسان البشري وانه مش مورهوش غير الفحت
الجزء الاول من الثريد ده موجه للي سنهم من اولي كلية لحد خامسة او اللي عامة عندهم وقت ينفذوا التفاصيل بتاعتها ايا كان سنهم
