مصر حاليا بلد لها اسمين كل اسم منهم بعيد تماما عن التاني !!
مصر في منطقة الشرق الأوسط و لغاتها .. و Egypt في اللغات الغربية و باقي العالم
إزاي ده حصل ؟؟
#thread عالماشي كده ?
خللينا نبد أ باسم مصر ..
الحكاية التوراتية بتقول أن بعد الطوفان ذرية حام بن نوح اتجهت غربا فسكن كنعان الشام و سكن كوش الحبشة و سكن مصرايم مصر .. و من اسم مصرايم جاء اسم مصر
المؤرخين العرب زي بن تغري بردي الأتابكي و غيره رددوا الحكاية دي بإعتبارها حقيقة تاريخية !
لكن فين الدليل؟
مافيش !
مافيش حتى دليل على أن مصرايم شخصية تاريخية .. مافيش غير الرواية التوراتية .. و في علم الآثار و التاريخ الكتب المقدسة ليست وثائق تاريخية و لا يعتد بها كدليل !
في حين إننا عندنا وثائق تاريخية و أثرية تانية بتقول لنا قصة مختلفة لكنها تتفق مع العقل!
خلال عصر الفوضى بين الدولة القديمة و الدولة و الوسطى كانت الحدود الشرقية مفتوحة تماما لكل الهجرات البدوية من غرب آسيا و القبائل دي شكلت ضغط على شرق الدلتا
ملوك الدولة الوسطى كانوا عاوزين يعالجوا حالة نقص الغذاء و الفوضى و يرجعوا الإنضباط فكان لازم كمان يوقفوا تيار الهجرة ده .. فأنشأوا سور محصن على طول المداخل اللي كانت بتدخل منها القبائل الآسيوية لغاية وادي طميلات السور ده كان اسمه بالمصرية القديمة (مجر) مع تعطيش الجيم
