ثريد اليوم عن انواع القطط ?‍⬛?

في عنا 71 نوع قطط، بهالثريد راح احكي عن بعض الانواع المعروفة وبعض الانواع الغريبة و راح احكي كمان من ناحية طبية كل نوع ايش ممكن يكون معرض لمشاكل صحية. https://t.co/jAR40WeqY2

اكزوتيك Exotic :

هو نوع هجين بين القط الامريكي قصير الشعر مع شيرازي، عشان وجههم افطس هاد الاشي بعرضهم لبعض المشاكل الصحية بالانف والعيون، والتنظيف اليومي اشي اساسي حتى نحميهم من الالتهابات التنفسية العلوية و التهابات العيون. https://t.co/AgyrRGm6dh

الهيمالايا Himalayan:

اول هيمالايا طلعت كانت سنة 1930 نتيجة تزاوج قط سيامي مع شيرازي. بتميزوا بلون فاتح و الاطراف بتكون اغمق و عيونهم زرق، مشاكل انسداد الجهاز الهضمي بسبب كرات الشعر شائعة، بنقدر نتجنب هالمشكلة بالتمشيط اليومي و استعمال منتجات خاصة لاخراج كرات الشعر من الجسم. https://t.co/N7ndoYA0Vp

سفينكس sphynx:

اول مرة انولدت قطة سفينكس كانت سنة ١٩٦٦ بالصدفة من قطة شارع بكندا. وكان هاي القطة الصلعة صار عندها تغير بالجين المسؤول عن الشعر. وهم مش قطط صلعة تماما جلدهم زي المخمل، من ناحية صحية حرق الدهون سريع عندهم عشان هيك لازم ننتبه من ناحية الاكل. https://t.co/TBUYf5M7eV

انجورا Angora:

تعتبر قطط محببة عند العائلة الملكية الفرنسية زمان، ماري انطوانيت كان عندها منهم. بتميزوا بشعرهم الطويل وعيون كبيرة، ويعتبرو من القطط النشيطة كتير ولازم ننتبه اذا صارو ناصحين عشان وقتها بكونو معرضين للسكري ومشاكل بالقلب والكلى. https://t.co/O1KP7h8I4m