الانيميا مش بتتعالج بالبنجر والعسل الاسود والسبانخ حالات الانيميا الجسم محتاج 15-20جم حديد

غير إن الحاجات دي مفيهاش كميات حديد كافية أصلا

معلقة العسل الاسود أقل من جرام حديد،ال100جم بنجر فيه 800مجم،السبانخ ال100جم فيهم حوالي 3.5جم

الجسم بيمتص12-15%فقط م الحديد م المصدر النباتي

وفي حاجات الجسم بيمتص فقط 2% م الحديد الموجود فيها

الوضع مختلف تماما مع الحديد من مصادر حيوانية الجسم بيمتص من 20-35% من كمية الحديد غير إن امتصاص الحديد من مصدر حيواني لا يتأثر بوجود كالسيوم أو الياف مثلا مع الوجبة عكس الحديد من مصادر نباتية

من اغنى مصادر الحديد الحيواني

كبدة، كبدة الفراخ، المحار والجندوفلي

يجي بعدهم اللحمة الكندوز،السردين

ووراهم الفراخ،الديك الرومي واللحمة البتلو

واخر الصف قشر البياض، السالنوم والتونا

المصادر النباتية المحترمة بالترتيب

-فول مطبوخ،عدس،توفو

-فاصوليا حمرا،حمص،مشمش مجفف،سمسم وبذور قرع

بنزود امتصاص الحديد من المصادر النباتية اننا نطبخه ف اواني حديد زهر وناخد معاه مصدر غني بفيتامين سي زي الليمون، الفلفل الاخضر أو البرتقال

ونبعد أي مصدر غني بالكالسيوم عن وقت أكل الحديد

يعني بلاش كوباية اللبن او الجبنة مع الفول

خلط الحديد من مصدر حيواني مع حديد من مصدر نباتي بيحسن امتصاص الحديد من مصدر نباتي

لحمة بالحمص ومشمش مجفف مثلا

علاج الانيميا أولا نعرف سببها هل سوء تغذية ولا سبب تاني ودرجة الانيميا بسيطة فنقدر باكل غني بالحديد الحيواني والنباتي سوا نصلحها ولا محتاجين مكمل #يومياتطبيبةتغذية