بس و لكن

الشعب المصري هقسمه لثلاث انواع فقط

النوع الأول وهو الخرفان وده هستبعده تماما لأنهم لايعترفون بوطن ولا حتى في العقيده بيعترفوا بمسلمين غيرهم , وبيعيشوا في بلاد الكفره زي ما بيقولوا وبيحترموا القانون والحدود غصب عن اللي جابوهم والجزمه فوق رقبتهم ولو قولتلهم عايشين كده إزاي

وفي بلاد الكفره وبتصرفوا منين !؟ يقولولك اي كلام ضد البلد ويهربوا من الإجابه , المهم ده مش موضوعنا النوع الثاني وهو النطع وده هستبعده برضوا لأنه عاوز البلد تأكله وتشربه وتعلمه وتشغله وتعالجه ببلاش وهو قاعد على القهوه او على الناصيه ولو قولتله دور على شغل يقولك وهو فين الشغل

طيب إتعلم صنعه يقولك لا وانا هتعب نفسي ليه اشتغل على توكتوك أحسن

وينام الصبح ويصحى العصر او المغرب وياخد مصروفه ومعاه تليفونه ابو 2000 او 3000 جنيه ويقعد يشتم في البلد !

النوع الثالث وهو ده المهم وده بتاع الكلمتين اللي في اول المقال (بس و لكن) ده وطني وممكن تلاقيه بيدافع عن البلد

ويقولك انا مش تابع لـ ده ولا ده وهو فعلا مش خروف ولا نطع ويقولك انا عندي وجهة نظر تانيه وبينتقد وبيهاجم اوضاع في البلد ولأنه غالبا بيكون مش فاهم الوضع بالضبط او عنده عدم ثقه من اللي شافه وسمعه من حكومات سابقه متعاقبه كانت بتقول وعود وكلام ومفيش حاجه كانت بتتحقق وكان دايما بيشوف

حجر اساس لكن مفيش مشاريع ولا تنميه واهوه كان عايش بياكل وبيشرب وبس لما تيجي تكلمه عن اللي بيحصل بيطلع يقولك (بس و لكن) ده لازم تفهمه براحه وتشرحله علشان تكسبه وما يكونش فريسه سهله للخرفان والأنطاع فهمه إن فيه مشاريع لسه ما شتغلتش واللي اشتغل لسه ما وصلش لطاقته الكامله