Drag down for English
مساء الخير طولنا منكم
زحو شوية يا شباب وبالمرة نادو امكم واخواتكم الليلة دايرة اوجه الكلام لينا احنا البنات انتو شوفوليكم اي زول او دكتور فيت سودان يتكلم عنكم انا ما حجمع كل الامراض والمشاكل النسائية لانو كدا الكلام حيطول وانا من امسك شي بفصلو بي كلو فحتملو https://t.co/5lXWh9fV7q
لقدام ان شاء الله كل مرض بكتبو براهو. لو دايرين اتكلم عن شي مهما كان اكتبولي في الDM.حاليا حاكتب الاساسيات البتحتاج كل بت تعرفها لتفهمي جسمك وصحتك ومرضك وتعلميها لبتك لان لو ظبطيهم بتعيشي عمر طويل بدون امراض اوتصلي علي كرسي لو ربنا اداكي عمر
احنا كبنات اكتر شي غالب علينا هي
العاطفة عشان كدا اساس كل الامراض من ضغط وسكري وكوليسترول وتكيس مبايض وحتي العقم هو الاسترس. في منطقة في المخ اسمها amygdala هي المسؤولة عن المشاعر والاصوات والصور فمثلا عندك خوف من الصراصير وشوفتي صورتو حتى بدون تشوفيهو المهم جاك احساس خوف وتوتر الجسم طوالي بترجم انو في خطر
فالاميقدالا بترسل للغدة النخامية (hypothalamas) ترسل للغدة الكظرية عشان تفرز هرمون الكورتيزول. وانا قبل كدا اتكلمت انو الجسم شغال بسيستمين وهرمون الكورتيزول بيشغل sympathetic systems (زي في حالة الهرب) فالضغط ودقات قلبك والنفس بعلى والبروتين بيتكسر (ظوافرك وشعرك بقع) ليتحول لطاقة
فالسكر برتفع والانسولين برتفع وتسمني دا كلو بسبب الكورتيزول دي البداية بس. غير دا كلو في 3 اجهزة هي البتتاثر بهرمون الكورتيزول:
- الجهاز الهضمي: لان لمن يشتغل نظام حالة الهرب دا الدم ما بمشي للبطن فحمض المعدة ما حيتفرز فالامعاء تخرب والاكل ما حيتهضم ويجيك قولون وامساك
