#ثريد للجامعيين:

نصيحة لا تصاحبون أشخاص مايعاملونكم بشكل جيد ولا تيأسوا حتى لو جبتوا درجات في الاختبار سيئة لازال فيه فرص ثانية لاختبار نفس المادة بس كونوا قريبين من الله عشان ييسر لكم حياتكم ولا تتضايقون لو تلخبط نومكم أو أكلكم مافي مشكله هالشيء طبيعي ..

خذوا دورات الي تكون مجانية في الجامعة عشان تطورون من أنفسكم وتستفيدون منها بحياتكم ولاتستهينون بأي فرصة تجيكم في الحياة الجامعية جربوا ممكن تستمتعون ومو مهم الأصحاب أهم شي تدخلون في قروبات للمواد عشان تستفسرون على راحتكم وتفهمون كل شيء وممكن تاخذون أرقام الدكاترة..

لاتقارن نفسك بأحد في الجامعة أنت رح تقابل أنواع الشخصيات وأنواع التفكير قارن نفسك بنفسك بس، وكون محترم مهما صار لاتغلط على أحد، كون واثق من نفسك سو الي تبيه ألبس الي تبيه اشتر من المكان الي تحب وكل الي يعجبك لو تاخذ معاك أي أكل من البيت لاتهتم برأي الناس فيك ونظرتهم لك ...

ركز في دراستك وقدمها على أي شيء ثاني بالحياة ولاتنسى إن الصاحب ساحب خلك مُحاط دائما بناس إيجابية ولا تسمع كلام أحد عن دكتور إلا يكون شخص صادق أو لو تجرب تاخذ عنده ممكن يعجبك ويكون أفضل دكتور رح يمر عليك، ولاتدخل تخصص عشان صاحبك ولا عشان أهلك أنت شوف وش تحب ووش يناسبك واختاره..

لاتفوت أي محاضرة وخل معاك نوته تكتب فيها كل شيء ماتبي تنساه وتذكر إن الشرح ممكن يفيدك في سؤال ماذاكرته ولاتعتمد على أحد اعتمد على نفسك بس عشان ماتضيع

أول ماتحس إنك تعبت وبدأ اليأس ياخذ مكانه بعقلك وقلبك مارس التأمل، سو رياضة، ممكن تتكلم مع صديق، وأفضلها إنك تدعي وتحوقل ..