قبل ٤ شهور قررت اترك دور الضحيه واخد زمام امور حياتي
اليوم انا اشتغل ٣ ايام في مطعم و٣ ايام ادرب في شركه و ادرس full time.
طلعت من منطقه الراحه وماعمري كنت فخوره بنفسي زي هذا الوقت.
كتبت تغريدة اعبر عن شعوري صحيت لقيت الالاف الأشخاص داعميني ويشجعوني معرف ايش اقول عشان اعبر عن شعوري بس اقدر اقول شكرا لكل شخص كتب لي كلمه وشجعني واعتبرني قدوة.
ابي الان اشاركم قصتي المتواضعة وابي استمر اشاركم كل خطوه في حياتي فشلي قبل نجاحي و اوقاتي الصعبة قبل اوقاتي الحلوة.
قبل ٥ سنين كنت احلم اطلع بعثه وأكمل دراسة الماستر، كنت احلم اطلع دوله جديده وحياه مختلفه واتحقق حلمي. احلامي كانت بسيطة اخد الشهادة ارفع راسي اهلي وارجع اتوظف عشان اعتمد على نفسي واساعد اهلي.
جيت امريكا وتجاربي في الحياة كانت صفر كان مطلوب مني اني اواجهه الحياة لحالي
ماكانت تجربه سهله بس عديت.
