مشاكل تعلم

——-

من اهم المشاكل اللي بنقابلها اثناء رحلة التعلم للبرمجة هي

1- الإستعجال

2- عدم تدوين الملاحظات

3- عدم مراعاة الوقت

الإستعجال آفة العلم ، ديما الكورس اللي مدته 3 شهور عايزين نخلصه في شهر، واللي مدته شهر عايزين نخلصه في اسبوع دون فهم ولا تطبيق >>

مش مشكلة اننا نضغط نفسنا وننتهي قبل الوقت المحدد لكن اذا خرجت من الكورس دون فهم ولا تطبيق يبقي هتفضل تتنقل من كورس لكورس من غير ما تتعلم

المشكلة الثانية

تدوين الملاحظات وتلخيص الدروس وكتابة النقاط المهمة في دفتر خارجي لانك مش كل ما تحتاج نقطة معينة تعيد الفيديو من الاول

بعض الكورسات اللي استفدت منها بشكل كبير جدا ولأول مرة في حياتي ، جبت دفتر وفتحت الكورس وكل ما ينتهي عند نقطة معينة اوقف الفيديو واسجلها وفي نهاية الفيديو افتح المحرر واطبق الدرس بناء علي النقاط اللي حددتها في الدفتر ولخصتها من الشرح وكده مش محتاج افتح الفيديو تاني للابد وارجع ليه

موضوع التدوين مهم جدا لانك في نهاية الكورس هتلاقي عندك دفتر فيه شرح لدورة كاملة مكتوب بخط ايدك وممكن تدي منه دروس وشروحات في يوم من الايام

طبعا المقصود انك تلخص وتكتب مش عيب تكتب كود برمجي كامل بالقلم عادي اكتب الكود وحلله وقسمه الي اجزاء واعرف وظيفة كل جزء منه اي وازاي تستخدمه

المشكلة الثالثة هي الوقت

غلط كبير جدا تقعد علي الجهاز وتقوم من غير ما تعرف قعدت كم دقيقة واستفدت فيهم ايه واتعلمت كم درس

مينفعش تسيب نفسك للوقت المفتوح لانك هتمل وهتزهق ومش هتحس بنتيجة

في طريقة جميلة اسمها قاعدة 25 دقيقة مختصرها انك تذاكر 25 دقيقة وتريح 5 دقايق وهكذا >>