نظراً للحاجة المتزايدة لهذا المفهوم اليوم راح اتكلم عن #إنترنت_الاشياء

#IoT

• ماهو انترنت الاشياء؟
• هيكيلة انترنت الاشياء اللي احبها

ماهو إنترنت الاشياء ؟

بأختصار هو أتصال بين الاشياء المجهزة بحساسات (sensors) ومشغلات (Actuators) و معالجات (processors) لتبادل البيانات فيما بينها عن طريق بروتوكولات اتصال معينه حسب الحاجة وربطها بالإنترنت للوصول لها ومعالجتها سحابياً https://t.co/gf1CbAo85Z

وش يعني الكلام ذا فوق؟

بااعطيكم مثال لتبسيط الصوره قبل مانشرح الهيكلة وقس عليه:

عندي مزرعه كبيره اوزع فيها حساسات لقياس رطوبة التربة (حساسات) واربطها بجهاز مركزي (بوابة) اذا كانت الرطوبة عاليه يرسل امر الى محابس الري بالاغلاق (المشغلات) عن طريق اللورا ( بروتكول الاتصال) ...يتبع

والبيانات هذي تعالج وتحفظ في موقع ع الانترنت (الخدمة السحابية)وتسوي لنا رسم بياني بكمية الاستهلاك والتوفير والاوقات (معالجة بيانات) وفي نفس الوقت توفر واجهه تحكم لنا (واجهة مستخدم) نقدر عن طريقها نشغل محبس ري بدون الرجوع للحساسات

عادي اذا مافهمت اللي بين الاقواس بنجيها بعد شوي ? https://t.co/QuLawaWVWf

متخيلين كمية الاشياء اللي راح يستفيدها صاحب المزرعه؟

توفير مالي

حفاظ على البيئة وجودة المنتجات الزراعية

استغناء عن عدد كبير من العماله

مراقبة لحظيه للاستهلاك والتوفير في الماء... الخ

واشياء كثيره اترك المجال لمخيلتكم تفكرون https://t.co/4UrgFXXdD6