من 5 سنين بدأنا مع بعض نتكلم عن التحول الرقمي وأهميته، النهاردة الكلمة أصبحت في أدبيات الحديث بشكل عام في كل حتة وكل مجال.. تعالوا نشوف أيه الكلمة اللي كمان 5 سنين (و ربما أقل) هتكون حديث العالم وعندنا أكيد أو هكذا أتمنى ... الاقتصاد الافتراضي أو Virtual Economy... ثريد!

في يونيو 2009 (من 11 سنة، أيوة 11 سنة)، أطلق المبرمج الأمريكي جوناثون بلو لعبة "المزرعة السعيدة" Farmville. صنفت اللعبة على أنها واحدة من أكثر اللعبات خطورة في التاريخ من شدة ادمانها. 80 مليون شخص كان بيلعبها يوميا على فيسبوك وفي خلال 3 سنين عملت أرباح مليار دولار. https://t.co/Wa6LCwSe3Z

في الوقت ده بدأ انتشار فكرة اللعب اللي بتصرف على نفسها من خلال انك تشتري Coins كأنها عملة افتراضية وتعمل Upgrade للعبة أو تشتري Features جديدة بحيث تستمتع أكتر بتجربة لعب أفضل. مصطلح انتشر بشكل كبير اسمه الـ Gamification أو بالعربي..لامؤاخذة.."التلعيب". https://t.co/Y5RkREClFh

الـ Gamification في رأيي ببساطة اللعب نفسيا على فكرة العصا والجزرة في تقديم منتجك. ازاي ممكن تدفع الناس أنها تستمتع بتجربة منتجك وعند لحظة الارتباط بالتجربة ونشوة الانتقال للمستوى الأعلى تيجي العصا وتقولك ادفع فلوس (أو قدم شيء) عشان تاخد الجزره يا اما مايكونش ليك الأولوية https://t.co/JSDdnjoZKe

بشكل متوازي مع تطور التجارة الالكترونية وانتشار العملات الرقمية، ظهر جدال حول قيمة العملات الرقمية بخلاف العرض والطلب، الدافع وراء شراء العملات الرقمية كان المضاربة والمحفظة المالية وأشياء أخرى. المؤسسات التقليدية في الأول رفضتها تماما! لكن الطلب بدأ يدفع البعض في اعادة التفكير.