من التكنيكس اللي احب استعملها بالسنوية اشوف ابراج البيوت الاجتماعية "الثالث والسابع والحادي عشر" وبالتالي يظهر لنا كيف راح يتغير صاحب الخريطة اجتماعيًا وبرضو الناس اللي راح تدخل حياته هالسنة من اي الابراج؟ وشخصياتهم وصفاتهم المشتركه؟ كل سنة بتلاحظون برج يتكرر عليكم كثير .. يتبع
واللي عليكم انكم تعرفون ايش الرسالة من تكرر دخول هالبرج لحياتكم بشكل مكثف .. مثلًا برج الجوزاء ومواقعه جت فترة صارو يطلعون لكم بكل مكان دلالة ان لازم تشتغلون ع مهاراتكم الاجتماعية وتخرجون من دائرة راحتكم ، لازم تكونون اكثر مرونة وتقبل للاراء ، واكثر تلوّن مع محيطكم الاجتماعي
مثلًا يتكرر عليكم اشخاص من برج الحوت ومواقعه ؟ لازم تكونون اكثر ارتباط مع جانبكم الروحي لان الواضح انكم نسيتوه او تجاهلتوه لفتره ، صح تجذركم بالارض واهتمامكم بالوضع المادي جميل وبالتالي تظهرلكم مكاسب مادية لكن برضو نسيان الجانب الروحي ينتج عنه تشتت وضياع هوية والنتيجة اضرار نفسية
تكرر دخول اشخاص من برج الثور او الجدي لحياتك دلالة ان لازم تراجع نفسك لان الواضح انك تعمقت جدًا بجانبك الروحي لدرجة فقدت تجذرك بالارض وبالتالي عدم انتماء للمكان وانفصال عن الواقع والنتيجة شخص غير منجز وبيوتك المادية ومنها بيت المال والمهنة بتكون خاملة وبيبقى عالق بدون اي نجاح
الموازنه جدًا مهمة وكثرة دخول برج معين لحياتنا تعتبر رسالة تذكير عن امور ناسيها وتحتاج تستوعبها اكثر بحسب دلالات البرج وبمجرد مانفهم درس البرج واكتسبنا المهارات اللي نحتاجها منه يبدا برج ثاني يدخل حياتنا بشكل مكثف وننتقل لمرحلة الاصلاح لجانب ثاني بالخريطة ..
