بقولكم كيف اتعامل مع همومي ومشاكلي،

اول شيء المشاكل اللي واجهتني بحياتي ٤ انواع وهي :

١- مشاكل بسيطه

مدتها يومين او ساعات وتخلص، هذي ماتهمني ولا اتضايق منها ابد مثل مشاكلي بتويتر مثلاً ماتهمني دام ما اثرت علي بالواقع يعني وهميين ليش اركز؟او مشاكل مع ناس ماهتم لها ماتضايقني عادي

٢- مشاكل متوسطه

اذا كانو الأشخاص يهموني او المشكله نفسها تهمني واكون متضايقه صدق بس غالبًا اكثر مده اتضايق فيها ساعتين، اتحلطم احب اتروش عشان انسى واذا ما نسيت هذا الشيء دايمًا استصغر المشكله بعيني يعني مثلاً اقول :

طيب وصارت لي مشكله وإذا؟ مردها بتنتهي مابي اتضايق خلاص واحاول افكر بالشيء الحلو اللي بحياتي يعني اسوي اي شيء يونسني وفعلاً انبسط وانسى! وحتى اذا ماسويت اقنع نفسي ان خلاص عندي كل اللي احبهم وبصحتي وبامان ليش اخلي هذي المشكله تعكر علي، صدقوني ٩٠٪ من همومكم بتنحل اذا اقنتعتوا نفسكم

٣- مشاكل لاحول لي ولاقوه

مثل المرض الله يحفظنا جميع والموت، شيء مقدر عليه! ابكي واتضايق واعطي حزني حقه ما احب اسكت واوقف بكي بهذا المواضيع ما احب احبس همي لأني كل ماحبست ضيقتي يجيني شعور خايس، احب افضفض لحد ما ارتاح

٤ مشاكل من القهوه

اي نعم مشاكل من القهوه! دايمًا تعصبني اول ماشربها انبسط بعدها بساعات اتضايق ما اسوي شيء بس انام