لحظة تاريخية في تاريخ أهم وأقوى وأغرب امبراطورية في التاريخ!
أمريكا بتنتقل من رجل اختطف جزء من الماكينة السياسية وساهم بفعالية في تدمير الحزب الجمهوري وما يمثله من ثقل داخل المؤسسة الحاكمة، إلى رجل من قلب المؤسسة الحاكمة ومطلوب منه يحكم في أكتر لحظة أمريكا فيها منقسمة على نفسها!
ترامب كان خطر مرعب على أمريكا أكتر من الاتحاد السوفيتي خلال الحرب الباردة!
- لانه خطر من الداخل ٢. لأنه ساهم في انقسامها وتسبب في استقطاب حاد محصلش في تاريخها منذ الحرب الأهلية ٣. لأنه كان قادر إنه يبقى واجهة اليمين الشعبوي ورمزه في أمريكا وحول العالم بما فيها في العالم العربي!
في دوكيومنتري عظيم من ٣ أجزاء أنتجته BBC عن فترة رئاسة ترامب اسمه the Trump Show وفيه الواحد بيشوف ازاي كان ترامب بالفعل بيحرك الجماهير الحاشدة له في مؤتمراته الشعبية اللي كان أقرب حاجة ليها مؤتمرات هتلر خلال سنواته الأولى في الحكم وازاي كان بيتفاعل مع الجماهير ويستجيب لصيحاتهم!
تجربة ترامب بتطرح سؤال مهم جداً عن فكرة قيادة الناس لما تكون الديمقراطية مختطفة من خلال الأخبار المزيفة ونظريات المؤامرة اللي بتساهم في المزيد من الاستقطاب.كل دة بيبقى مرعب لما يحصل في بلد فيها أكبر كمية سلاح في بيوت الناس والجماهير بشكل ممكن يصل إلى حد وجود جيوش داخل نفس الدولة!
