الهند البتشارك الصين منبع الكورونا ب٣٤٨٨ كلم من الحدود فيها لحد اسي (١٤ مارس) ٨٩ حالة كورونا و عدد اتنين وفيات
ايطاليا فيها حاليا فوق ال١٧ الف حالة
و منظمة الصحة العالمية بتصف القارة الأوربية بالـepicenter للمرض
ليه الهند فيها حالات اقل؟ و ذاتو في الصين كان في تباين بين مناطقها
في الاصابة بالكورونا بحسب اختلاف درجات الحرارة بين المناطق المختلفة و ان كان التباين بسيط ف دا برضو بيدلل على تأثير الحرارة على الفايروس و انتقالو
الفايروس من الدراسات انتشارو اسرع في درجات حرارة ٨ مئوية و اقل.
ف الكوفيد-١٩ بيتأثر بالحرارة، لكن ما التأثر البيخلي المرض ينتهي،
و لكن التأثير البيخلي الممارسات الصارمة الهدفها تحد من العدوى تكون ناجعة.
اذا عايزين نحد من العدوى و الإنتشار علينا نتخذ تدابير صارمة و الحمد لله انو موقعنا الجغرافي و سخانة جونا حتساعدنا المرة دي!
ما تسلم على زول
و مفروض ما ننحرج من الحاجة دي
ما تلمس خشمك، نخرتك او عيونك،
غسل يدك بصابون لمدة ٣٠ ثانية على الأقل.
الحكومة دورها بسيط في السيطرة، الدور الأكبر بيقع على عاتقنا نحن ديل؛ المواطنين، و اظني متفائل انو ما حيكون انتشار مريع للمرض.
و ذاتو المرض ما بالخطورة ديك، ف إحصائيا كدا احتمالية انو الزول يموت من ملاريا اكتر من احتمالية انو يموت بكورونا
ف الملاريا بتقتل كل يوم حوالي ٢٠٠٠ زول، و الكورونا بتقتل في اليوم ٦٠ زول
و اكتر من كدا؛ احتمالية زول يموت كنتيجة لحادث عربية اكتر من احتمالية انو الزول يموت بكورونا
الحوادث بتقتل كل يوم 3287 في حين انو الكورنا بتقتل زي ما قلنا فوق حولين ٦٠ زول في اليوم
