"القول الشائع في فن الودائع"
? سلسلة تغريدات راح نشرح فيها الموضوع من الالف الى الياء بشكل سؤال وجواب بطريقه مبسطه ولغة عاميه
? في النهايه اي سؤال منكم ما جاوبته راح انسخه واجاوب عليه في نفس السلسله
? حط لايك عشان يكون لك مرجع اي وقت وسوي رت عشان الفايده تعم الجميع
?خوي يقولوا انك رجال والنعم وكفو وراعي دبره صحيح؟ لا من يقول
?يابن الحلال خل عنك اشوف حسابك في تويتر مدهر؟ لا تدقق واجد معي
?لحول طيب يا متواضع مسوي فيها صوفي وزاهد؟ للامانه ما احب الصوف افضل القطن لانه الصوف يسببلي حساسيه
?انا لله مافيك حيله ... الزبده وش العلم؟ اي علم
?عندي دراهم ومدري وش اسوي فيها الحين؟ ليه ما تدري
?ياخي عجزت اقرر استثمرها ولا اخذلي ارض بشمال سلمان؟ ليه عندك ستميه الف عشان تشتري ارض هناك
?هنا المشكله الدراهم اللي معي ما تكفي وش عندك من فكره استثمره المبلغ به؟ انت عندك خبره في اي مشروع تجاري او قد استثمرت
? لا والله ماغير ذا الدوام والراتب ... شور علي تكفى؟ تقدر تتحمل مخاطره
?شلون ما فهمت وش تقصد بمخاطره؟ اقصد لا قدر الله وخسرت شي من راس مالك بتضيق بك الدنيا
?اي والله ياخوي مستحيل استحمل خصوصا انها تحويشة العمر ومابه الاهي
?عندك علم يفيديني؟ والله شف
? قول اسمعك وهات بيالتك؟ في شي اسمه وديعه بنكيه قد سمعت عنه ؟
?لا والله يا خوي انا حدي في الامور ذي قرض وبطاقة صراف وشي ذي الوديعه؟ حلو دامك تعرف القرض ... الوديعه عكس القرض تماما
?كيف عكسه؟ بدال ما تاخذ فلوس من البنك وترجعها بفايده ... انت تعطي البنك دراهم وهو يعطك فايده
