ثريد مهم جداً?

عن الناس الضعيفة الما بتسمن??

وليه انهم عرضة لي خطر الإصابة بي أمراض كتيرة. و ليه صحتهم ممكن تكون اسوأ من الناس السمينة عديل! https://t.co/4jVBY90qpd https://t.co/lJqP9dyhLW

-اول شي، لازم نفهم انه احنا اي حاجة ناكلها، يا حرقناها يا خزَّنّاها. ما في اوبشن تالت.

-اي زول فينا عنده حاجة اسمها basal metabolic rate ودا معدل الحرق الطبيعي بتاعه في حالة السكون. يعني دي طاقة بيحرقها جسمك في القيام بي وظائفه الحيوية. والحاجة دي ممكن تختلف من زول لي زول.

وبتزيد اكتر في الرياضيين والناس العندهم كتلة عضلية كبيرة لانه العضلات بتاعتهم بتستهلك طاقة اكتر.

تاني شي عندنا الحرق بيرتبط ارتباط وثيق بالحركة، كل ما كنت نشيط، حركتك كتيرة، شغلك متعب، بتتريض كتير، كل ما كان معدل حرقك اعلى برضو.

في الجدول ادناه مثال لمعدلات الحرق حسب نشاطكم. https://t.co/bw8eE17M9o

نفرض انت زول ما بتتريض وفي اليوم بتحرق ٢٤٠٠ سعرة حرارية. أي نقصان عن ال٢٤٠٠ معناها انت في حاجة اسمها caloric deficit وحتضعف لانه جسمك حيعوض نقص الطاقة من الدهون (وهنا أصل كل الحميات الغذائية) انه تاكل اقل من احتياجك عشان جسمك يحرق دهون بدل ما يخزن.

وبديهياً أي زيادة عن ٢٤٠٠ معناها انت في caloric surplus وحتسمن لأنه جسمك حيخزن الفائض بتاع الأكل في شكل دهون (الا لو بتتمرن حديد) ممكن وقتها يستغل السعرات الإضافية في بناء العضلات وبرضو بكون معاها حبة دهون.