مؤخرا بقيت لما بعدي من قدام المقطم سواء من علي الأوتوستراد أو حتي المقطم نفسه بيجي في بالي كم القصص التاريخية و الأحداث المتعلقة بالجبل ده وأنه كان شاهد علي قصص كتير جدا
وأحداث تاريخية وقصص أسطورية تناقلتها الأجيال وكتب عنه وعن تاريخه وقصصه أغلب المؤرخين المعروفين زي المقريزي
1 https://t.co/0fNSoiebpp
و ابن عبد الحكم و القُضاعي
حتي في الأدب الحديث و القصص الشعبية هتلاقي أن كتير من الكُتاب و الأدباء أشاروا لجبل المقطم في أعمالهم زي نجيب محفوظ في الحرافيش وعمنا خيري شلبي في أعمال كتير منها مثلا رواية نسف الأدمغة.
2
المقريزي مثلا أتكلم عن أسباب تسميته بالإسم ده وحدوده وإمتداده واللي كان فيها بعض القصص الأسطورية زي أنه بيمتد حتي جبال الصين و المحيط الهندي!
القُضاعي مثلا بيقول أن سبب تسميته بالمقطم هو نسبة لأحد أبناء نوح عليه السلام كان اسمه المقطم وعاش في الجبل ولذلك سمي بأسمه ..
3
من ضمن القصص اللي بيحكيها المؤرخين بردوا عن سبب التسمية هو أنه في الليلة اللي كلم فيها الله نبيه موسي عليه السلام ..أوحي إلي الجبال أني مكلم نبيا من أنبيائي علي جبل منكم فأوحي الله إلي الجبال أن يجود كل جبل من الجبال ببعض مما لديه لجبل الطور فقدم كل جبل بعض مما لديه
4
إلا جبل المقطم قدم كل ما عليه من شجر وزرع وماء حتي صار أقرع فسمي لذلك بالمقطم.
كمان منهم اللي أتكلم عن كرامات جبل المقطم و الخرافات المتعلقة بأحجاره وأنها أحجار من الجنة أو بيها طلاسم سحرية أو أن اللي بيتدفن في سفحه بيدخل الجنة بدون حساب.
5
