ابو محمد

عمره في الثلاثينات .. عنده سمنة

حلل ولقى عنده سكر نوع ثاني وتراكمي ١١

رفض اخذ اي علاج واتبع نصائح شلة الاستراحة الي ماخذين معلوماتهم من فلان الي اخذها من فلان الي اخذها من فلان

المهم ابو محمد شد في الحمية والرياضة

وبعد ٣ شهور حلل التراكمي لقاه ٥.٥

راجع مع طبيب غير متخصص وقاله راح منك السكر في موعد سلق بيض دقيقتين ومع السلامة

ابو محمد

قال في نفسه الحمد لله ماسمعت كلام الدكتور الاول آلي قله ان السكر مرض مزمن ويحتاج علاج وليس له شفاء نهائي ويحتاج متابعة دورية

فرح ابو محمد وكمل كم شهر في الحمية

وبعدها انشغل مع الحياة ولم يتابع السكر لانه حسب ماقيل له انه (راح منه السكر )

بعد ٤ سنوات تعرض ابو محمد لجرح في قدمه وتغير في لون الجرح وطول معه تعافي الجرح لين راجع طبيب قله يحتاج بتر

وان سكره التراكمي ١٣٪ ولديه قصور كلوي

وزلال بالمئات وشبكية مرتشحة على وشك الانفصال

قصة ابو محمد .. تمر علينا بشكل متكرر

مثل ابو محمد يحب يسمع الكلام الي يعجبه

ويسوي الي في راسه ، الدكتور الي يكون صادق معه يشوفه نصاب ومتعاون مع شركات الادوية ووو ?‍?

والي يعطيه من الكلام الرخيص

مايحتاج علاج وانت زي الفل وووو

خفف خبز وامشي وكل لوز وبردقوش

ولا يحتاج متابعة ولا تحاليل ولا مواعيد

هذا يشوفه طبيب ممتاز لانه يعطيه على جوه

علميا السكري النوع الثاني

مرض مزمن

مرض مزمن

مرض مزمن

ليس له شفاء نهائي

بعض الحالات يمكن التحكم في السكر لفترات معينة (شهور - سنوات ) بواسطة الحمية والرياضة ..

تسمى مرحلة السبات

diabetes remission

بعدها تقل كفاءة البنكرياس ويرتفع السكر سواء عملت حمية سواء سويت رياضة ..

لن يتحسن إلا بواسطة العلاج

ماتبغا تاخذ علاج براحتك

ماتبغا تصدق براحتك

ماتبغا تتابع وتحلل براحتك

قول علي نصاب .. تاجر ادوية .. متشائم

قول الي تبغا تقول

هذا لن يغير حقيقة ان السكري النوع الثاني مرض مزمن

الرسالة الي حاب اوصلها

على الاقل لو ماتبغا تاخذ علاج

وتعتقد ان السكر اختفى منك

لاتهمل المتابعة الدورية للسكر

عشان لاتكون نهايتك مأساوية

ماراح ينزل من غير علاج https://t.co/lymsgAZIEu