النيل بفيض عزّه

وشمِس تزيدنا سمار ..

ناس أصلهم طيبة

والجار بحب الجار ..

في السمحة تلقاهم

وفي الحارة برضو كُتار ..

وأنا قلبي مليون ميل

النص ملان هيبة

والتاني فيهو أزهار ..

فيهو الشمس تشرق

تغازل المحبوب ..

فيو مِن طرب وردي

وفي الشعر فيو محجوب ..

فيو عزة الشهدا

...⬇️⬇️

فيو بسمة المحبوب ..

زي نخلة في بستان

دفيقا شال يا دوب ..

والبسمة ضواي

ضوّت علينا دروب ..

فيهو السلك بنجر

صفقت تدخل تب ..

دَرَعت سريع توبا ..

كرم الضيافة وجبْ ..

ماهمّ يا ياخ هو منو

يا ربي بس في حطب..؟!

فيو في الغرب دارفور

العالي دوم كعبا ..

ديل أرضهم من نور

....⬇️⬇️⬇️⬇️

ديل أرضهم من نور

ديل الكسو الكعبه ..

فيهو المعيلق ..ام روابه ..

فيو في الجنوب

إخوان وغابة ..

حلفا الأبيض والقضارف

فيهو الضعين الخيرا وارف ..

وفي شندي تلقى المعجزات

ديل علموا الجبل الثبات ..

وفيو الحردلو وود البنا

ديل البي قولم عاقل جن

وفيو ليلى وأمدرمان وناسا ...

...⬇️⬇️⬇️

ديل منبع الأخلاق وساسا ..

السمحة جات

السمحة وين ؟

قالتلي ياخ أنا من بَدين

يلاك نمشي على الشَرِق

أصلو المحبّة هناك عِرِق

أدروب (دبايوا..كِيتّوا..اوجات كيها)

وبعد التحيات والسلام

شربنا قهوة بزنجبيل

وبقينا بين حُسنين

تاجوج وعين توتيل ..

وسرحت في تلك العيون

....⬇️⬇️

أريتني اقدر اوصفا ..

دي جمالا فات حد الجمال

وحروفي جَتْ ما مُنصفة..!

اكمل؟

الشعب اقوى جداً والردة مافي اصلن

#الردة_مستحيلة

#مليونية6يناير

#كلشهيدروحوبتناديابقوعشرةعلى_المبادي