عندي موضوع رهيب كدا من زمان نفسي اكتب عنو .. ألا و هو اللوحه الجميله دي "Las Meninas" من الرسام الاسباني "Diego Velázquez ".

اوكي ليش هذي الرسمه قد تكون احد افضل الرسمات واهمها على مر التاريخ ؟ حا احاول اوضح لكم في ثريد بسيط خفيف. ? https://t.co/bpRmasIxu5

عشان نفهم ليش هذي اللوحه اسطوريه لازم نفهم مين هوا Diego Velázquez. خلوني اقلكم...

خوينا دياقو كان فنان كبير له شأنو ومنصبو في عالم الفن

وفي اواخر عمرو ,في اعلى مراحل الاحتراف قرر يصب جم قوته وموهبته في لوحه بيضه صغيره كدا مقاس 2.76م في 3.18م ?. https://t.co/X09CIORB2y

دياقو كان الرسام الرئيس في القصر الملكي للملك فيلبس الرابع " Philip IV" لاكثر من 13 سنه.

كان الرسام المفضل لفيلبس ... رسم لو العديد من اللوحات محليً بها قصره "Royal Alcazar of Madrid". https://t.co/XTROa9v8wc

فشي طبيعي يكون دياقو راسم احسن رسماته في موقع عارف كل شبر فيه .. الي هوا المرسم حقو ,الاستوديو الي جلس اغلب وقتو فيه.رسم هنا مرسمه ولوحتين معلقه على الجدرا اختارها بعنايه .. مهي مره واضحه لكن اذا ركزنا شويه حا نعرف إنهم لوحتي الرسام الشهير وقدوه دياقو,الرسام peter paul. https://t.co/44XYH9MIim

حا اتكلم عن الرسمتين بعدين .. دحين خلونا نشوف الحدث الرئيس في المشهد .. ايش اول شي طاحت عليه عينك ؟

ممكن البنت الصغيره margaret theresa الطفل الوحيد في للملك الي لازال على قيد الحياه. او المرايا في الخلف تظهر انعكاس محل وقوفك لكن هنا بنشوف الملك والملكه . https://t.co/DOn01q5P5S