أحمد عفيفي بيقول: أنت دلوقتي (عايز تقول) إن في قطبي الكرة المصرية و(عايز تعمل منافسة) .. هل أنت بتقسم الموارد .. مش بالتساوي .. بما يقترب من التساوي؟ لأ. يبقي مفيش منافسة .. انتهي الموضوع شكرا لم الورق.

ده كلام عفيفي بالحرف والنص، في فيديو منتشر حاليا بيطالب فيه بتقسيم الموارد

بين القطبين عشان يكون في منافسة والزمالك ياخد بطولات زي الأهلي وربما أكتر إن اتيحت له ظروف عادلة في المنافسة.

المشكلة إن عفيفي وقع في تناقض من المقدمة اللي افترضها، وهي إن في "قطبين للكرة المصرية"، لإن المفترض إن القطبين بيحصل بينهم توازن أو تعادل في القوى، لكن ده مش حاصل أصلا،

ولو أخدنا الدوري -باعتباره البطولة الأقوى محليا في الموسم كمقياس للقوة- فالأهلي يعادل 3 اضعاف بطولات الزمالك (3×14=42 بطولة!)

فأساسا كلمة قطبين من الأصل كذبة، وبناء عليها أنت عايز تاخد استحقاقات مادية تعادل الأهلي، مع إن في أندية تانية جماهيرية كتير، بس أنت مجبتش سيرتها،

لإنك عارف وشايف إن الزمالك على مستوى البطولات أكتر منهم، وعلى مستوى الشعبية كذلك.

وبناء على فارق البطولات والشعبية اللي بين الزمالك وبقية الأندية (باستثناء الأهلي)، فأنت كزمالك بتاخد رعاية أكتر بكتير منهم، ومش بتشوف نفسك ظالمهم،

ولو حد اسمعلاوي مثلا قال إنه لازم ياخد رعاية زيه زيك هتقول عليه عبيط، لإن البطولات والشعبية لصالحك.

الرعاية مش ميراث بتقسمه الدولة بالتساوي بين أبنائها!، الرعاية بيزنس اصحابه بيدوروا على مصالحهم المادية، مش بيتبرعوا بيه للأندية، ولما انتهت رعاية الأهرام للأهلي، جت شركات تانية