من يومين كتبت ثريد عن ايه ممكن نعمله عشان نبتدي في المجال او نطور من نفسنا لو حد لسه بيبتدي، وكنت وعدت باني هاعمل ثريد تاني واناقش فيه البروبلم سولفنج والمهارات المتعلقة بالبرمجة

تقدر تشوف الثريد الاول هنا: https://t.co/DeRQaAU680

ولو كنت قريته بالفعل، كمل الثريد ده

خليني اوضح الاول ان هنا ال problem solving ماقصدش مهارتك في حل المشكلات في الشغل كمهندس انما التمرينات اللي بنحلها على leetcode و hackerrank وبيتسأل عليها في الانترفيوهات. واللي هم في رأيي مرتبطين بقوة بمهارتك في حل المشكلات في الشغل

لو انت بتلعب شطرنج فانت اكيد عارف ان فيه puzzles كتير لعيبة الشطرنج بيتمرنوا عليها وهي جزء من روتينهم اليومي، لو انت بتجري او بتلعب اي رياضة، فانتوا اكيد عارف ان فيه تمرينات للاطالة و التسخين اللي الناس بتستخدمها، وخد القياس ده على اي مهارة او حاجة بتعملها،

هتلاقي اننا دايما بنحاول نلاقي نسخ مصغرة تقدر تنفذه في وقت اقل وعدد مرات اكتر كتحضير للشكل الاكبر منها وليكن ماراثون.

هنا لازم نفهم احنا بنعمل كده ليه، التسخين والاطالة مش هيعلموك تنظم وقتك ومجهودك في ماراثون، ولا ال puzzles هتخليك تكسب ماتشات الشطرنج،

انما الاتنين هيساعدوك انك تبقى جاهز لمواقف بعينها وفي وقت قليل تكون جاهز بحلول، او عضلاتك لوحدها تتعرف تتعامل مع الموقف.

وبكده دورها بيكون تكتيكي اكتر منه اي حاجة تانية، في رأيي نفس الكلام بينطبق على صنعتنا وال problem solving.