اليوم حدثت معي قصة في المستوصف غريبة !

رحت انا واهلي بسوي تحاليل للفيتامينات والحمل ، واكتشفت ان الدكتورة كتبت لنا تحليل HVI وهو تحليل الايدز ! سألتها وش علاقة هالتحليل ؟! اوضحت لي انه جاهم خطاب من وزارة الصحة يتطلب هالتحليل عشان بعض الفتيات تسوي ابر تجميلية تسبب ف انتقال المرض

فلذلك من هالمنبر احذر كل فتاة تذهب لعيادات التجميل انها تنتبه لأي ابره تدخل في جسمها ، لأن ابر الدم هذي تنقل المرض ، وسمعنا قصص من ضمنها فتاة جيزان ، والحالة اللي في الرياض تكلم فيها احد الدكاترة هنا في تويتر ..

انتبهوا لمثل هالامور ولاتعبثون بخلقة الله علشان اشياء تافهة ..

تحذير الابر تكلمت عنه بسبب المقطع المنتشر ، وبالقصة حقت فتاة جيزان ، وأيضاً تغريدات الدكتور فهد الخضيري بهالخصوص .. اما الدكتورة فهي ذكرت ان الوزارة تبحث معاهم دائماً بهالخصوص ، وتحفظت عن الاسباب ..

وانا اشوف ان الموضوع بدل مايكون تحذيري وتنويري اصبح ترهيبي وهذا الشيء اللي ماكنت اتوقع انه يحصل ..

لذلك الكلام على بعض الاستخدامات الخاطئة للابر التجميلية ، وكذلك الحرص على العيادات الموثوقة لا اكثر ولا اقل ..

والحامي الله سبحانه .. تطمنوا الموضوع لايحتاج لكل هذا الترهيب ..

لذلك دائما نحرص ان يكون الممارس الصحي متبع اداوات السلامة ، ويلبس القلفز الخاص ، وان يكون أيضاً استخدام الأبر لمرة واحدة ، وبأمكانك سؤال الممارس الصحي عن الادوات وتعقيمها بالشكل المطلوب والصحيح ..