ثريد دسم بيتكلم عن واحد من ركائز الثورة الصناعية الرابعة

وهو

Machine Learning!

كلمة بقينا بنسمعها كتير، خصوصًا في الكام سنه الأخيرة، وده لو دل على شيئ، فإنه يدل على أهميتها وانتشارها بشكل كبير وملحوظ.

#الزتونة_التقنية https://t.co/JdIzbfnYla

.. لدرجة إن ناس كتير كانت فاكره إن الـ Machine Learning هو هو الـ Artificial Intelligence..

بس للأسف، المفهوم دا خطأ! الـ Machine Learning يندرج تحت الذكاء الاصطناعي.

ايه هو الـ Machine Learning بكل بساطة؟

الـ Machine Learning (لغة الآلة) وهي إنك بتمكّن أجهزة الكمبيوتر إنها تتعامل مع المهام اللي بتتم بواسطة الإنسان، وفي نفس الوقت بتسمح للـ Programming Applications إنها تكون أكتر دقة من غير ما تتبرمج بشكل كامل... طب زي ايه يعني؟

خلينا نقول مثال بسيط على الموضوع، وبعد كدا ندخل في التقيل

هي ببساطة بتخلي الجهاز متمكن من التَعَرُّف على نوع الفاكهة المعروضة فالصورة بشكل صحيح!

طب ايه الحلو في كدا يعني؟

الحلو في الموضوع، إن دا بيتم من غير ما تحتاج تكتب أكواد زي برامج الكمبيوتر، لأنه بيتم تغذية الجهاز بكمية كبيرة من المعلومات اللي هي المدخلات، وبيتم تدريبه على المخرجات، لحد ما بيكون قادر على التفرقة لوحده، وطبعًا كل ما تزود الجهاز بمعلومات أكثر كل ما هيكون أنجح وقادر على التعلم