دا رأيي هاكتبه في ثريد بيصنف البشر علي حسب حبهم للقهوة..اللي كتبه حزب القهوجيةبس بصراحة كلام معقول أوي..بيقول إيه...

لعشاق القهوه

1 - السرياقوسي :

القهوه السرياقوسي بتبقي عباره عن 3 معالق سكر لكل ملعقه بن( 3 سكر : 1 بن ) ؛

مبدأيا معظم عشاقها بيبقوا غالبا من محدثين القهوه.. https://t.co/haLT93M93X

اللي لسه متلطوش ف الحوار أو من النوع اللي بيشربها كل فين و فين ..

قهوه تفضلها النساء في المجمل

و عموما السرياقوسي قهوه طريه لزوم الشاب الطري ف بلاش تطول فيها كتير و إنتقل ع المرحله اللي بعدها

2 - الزياده : القهوه الزياده بتبقي

2 ملعقه سكر لكل ملعقه بن( 2 سكر : 1 بن ) .. https://t.co/DtIvfSh4Am

دايماً بتكون هيا المدخل اللي بتتسحب فيه نحو عالم إدمان القهوه اللذيذ ؛ ﻷنها قهوه سكرها الزياده بيكسر طعم البن المر اللي لسه ك مبتدئ متعودتش عليه ..فيه ناس بتستمر في تناول القهوه الزياده ؛ كييفه الزياده بيبقوا ناس ف الأغلب بيهتموا بالمظهر علي عكس الجوهر..

ناس مقضينها For Fun و يحبوا يعيشوا التجربه من السطح بدون التطرق للأعماق و بيقفشوا جداً لو القهوه جاتلهم ناقصه سكر و دا يدل علي خوفهم من كل ما هو مظبوط أو مانو ..

3 - المانو : القهوه المانو هيا الوسط بين المظبوط و الزياده ؛ ملعقه و نصف سكر لكل ملعقه بن

( 1.5 سكر : 1 بن ) .. https://t.co/F09KWeLORu

المانو غالباًبيتم اللجوءلها في حالتين:يا إما زهقت من الزياده و عايز تنتقل للمظبوط و بتتعود تدريجياً علي تقليل السكر ..ياإما إنتا أصلاً كييف مظبوط بس بتقعدعلي قهوه شغال فيها صنايعي فاشل وعمره ماعرف يظبط قهوتك فبتضطرتطلبها مانو بنيةالمظبوط والتكتيك دا ناجح تماماًمع القهوجيه الفشله. https://t.co/QIpEdCIyRq