اتكعبلت في كام تويتة نشتغل في سياحة شبهنا ولا سياحة حديثة شبه دبي و الحقيقة الآراء كلها حلوة .. بس احنا لا هنعرف نتنيل نعمل ده ولا ده طول ما الشخص المتعامل مع السائح بشكل مباشر عدو نفسه و عدو أكل عيشه .. معلش استحملوني في الفضفضة الجاية ! مافيش خلاف إن مصر عندها كل مقومات الجذب

السياحي اللي من غير مبالغة مش موجودة في أماكن كتير في العالم من أول الجو اللي ماحصلش للسياحة التاريخية والأثرية والدينية اللي تقريبا بتغطي تاريخ البشرية كله ده غير سياحة الشواطئ والصحراء والنيل وأماكن الغطس المصنفة عالميا ! بس كل ده متبهدل على ايد مجموعة خرتية بيبوظوا كل حاجة

من أول فتح أماكن أثرية و التصوير فيها (بفلاشات) بطريقة غير شرعية لرحلات مش مدروسة ولا هم فاهمين أصولها بترمي زبالة في الصحرا و بتخليها مكان للفيران اللي جاية تدور على أكل بالليل عشان اتعودت على كدة لناس ما بتعرفش تعوم أصلا جايين يعملوا سنوركلينج في أماكن غطس

فيكسروا الشعب ويقضوا عالمكان و ناس بترمي أكل عشان تلم السمك وناس بتصطاد من على مراكب مخصصة للغطس والسنوركلينج فنصحى على مصيبة ( بيحلوها عادة بقتل القروش وكله يبقى تمام) لناس بتبيع بالونات اه والله بالونات عالبحر في مدن سياحية البلد بتحاول تمنع فيها البلاستيك أساسا ده غير عمليات

النصب والتحرش والسفالة والسرقات اللي بتخلي السائح ( مصري أو مش مصري) آمن جوة الفندق بتاعه بس .السياحة مش بس متحف كبير ممكن نملا قده عشر مرات ولا إعلانات بالانجليزي والفرنساوي على قنوات عالمية .. اللي عايز يعدلها يفعل القانون ويعلم الناس ويوعيهم . اللي بتكسب منه عشرة جنيه النهاردة