#السوداناحتواءكورونا

#احتياطاتالسودانلمنع_كرونا

مسبب #كوفيد_19 ما كائن فضائي، ده فيروس فيه شبه من فيروسات اصابت البشر قبل كده واتعالجو.

خلونا باختصار نتكلم عن خيارات العلاج.

قبل كده، لازم نعرف ان بعض المرضي بتجيهم أعراض خفيفة وبيبقو كويسين بمقاومتهم الذاتية وعلاجات بسيطة

للاعراض، وبعضهم بتتدهور حالته لدرجة فشل الاعضاء الحيوية خاصة الرئتين (Acute respiratory distress)

▪طيب ليه بيحصل التدهور ده؟ ومنو الممكن يحصل ليه؟

• بيحصل بسبب حاجة اسمها (cytokines storm) ودي معناها إنتاج مفرط للخلايا المناعية ومركباتها التنشيطية (cytokines)،

في عدوى الأنفلونزا، غالبا بتكون مرتبطة بطفرة من الخلايا المناعية المنشطة في الرئتين (alveolar macrophages). بعدها بتتراكم السوائل ويضيق التنفس.

• بيحصل عند كبار السن غالبا. الاطفال ما بيحصل ليهم النشاط المفرط ده وبالتالي ما بتتدهور حالتهم زى الكبار.

▪الكلام ده كلو ليه؟

الكلام ده عشان نفسر ليه العلماء اختاروا العلاجات المثبطة للجهاز المناعي لتجربتها وتطبيقها لعلاج #كورونا

☆لازم نعرف ان العلاجات دي للحالات المنومة فى المستشفي والحاصل ليها تدهور وخايفين ان الرئتين تتضرر وما لعلاج الاصابات الخفيفة اللى علاجها ملطفات للاعراض

☆ لازم نعرف برضو ان العلاجات دي جربتها بعض الدول ذي الصين، اميركا وبعض الدول العربية - ح اكتب الناجحة منها والمتوقع نجاحها- لكن ما اعتمدتها منظمة الصحة العالمية لسه.

١- مثبطات المناعة- immunosuppressive therapy: اللى اتجربت ونجحت:

• Infliximab
• Anakenra
• Actemra _Tocilizumab